Raghav Parineeti Wedding : अभिनेत्री परिणीती चोप्रा आणि खासदार राघव चड्ढा यांच्या लग्नाची जोरदार चर्चा सुरु आहे. लवकरच हे दोघे विविहबंधनात अडकणार असून सध्या त्यांच्या लग्नापूर्वीच्या विधींना सुरुवात झाली आहे. या विधींना दोन्ही कुटुंबातील सदस्य उपस्थित होते. त्याचे फोटोज सोशल मीडियावर व्हायरल झाले असून त्या फोटोजना नेटकऱ्यांचा मोठा प्रतिसाद मिळाला आहे. तर दुसरीकडे परिणीती व राघवच्या डान्सचा व्हिडिओदेखील सोशल मीडियावर चर्चेचा विषय ठरत आहे. (Parineeti Chopra Raghav Chadha Wedding)
दरम्यान, परिणीती आणि राघव यांचा विवाहसोहळा उदयपूर येथील लीला पॅलेसमध्ये पार पडणार आहे. दोघांच्या लग्नाची जय्यत तयारी सुरु असून या सोहळ्याला अनेक व्हीव्हीआयपी येणार असल्याने विशेष सुरक्षा तैनात करण्यात आली आहे. सध्या अनेक सेलिब्रिटींच्या लग्नांमध्ये नो-फोन पॉलिसी अवलंबली जात आहे. त्यामुळे ही जोडीसुद्धा त्यांच्या लग्नात नो-फोन पॉलिसी राबवणार का ? असा प्रश्न निर्माण झाला आहे. मात्र, आता याबाबत मोठी माहिती समोर आली असून परिणीती चोप्रा व राघव चड्ढा यांच्या लग्नात नो-फोन पॉलिसीची अंमलबजावणी होणार नसल्याचे जवळच्या सूत्रांनी सांगितलं आहे. याचा अर्थ, परिणीती-राघवच्या विवाह सोहळ्याला उपस्थित राहणाऱ्या पाहुण्यांना मोबाईल वापरता येणार आहे.
हे देखील वाचा – “कंटाळून त्यांनी आत्महत्या…”, तनुश्री दत्ताचे राखी सावंतवर गंभीर आरोप, म्हणाली, “राखीला मानसिक…”
याचे कारण म्हणजे, परिणीती व राघवच्या लग्नात दोन्ही कुटुंबियांच्या अत्यंत जवळचे व मोजकेच पाहुणे उपस्थित राहणार असल्याने दोघांच्या लग्नावेळी पूर्ण गोपनियता पाळी जाणार आहे. त्यामुळे या लग्नात नो-फोन पॉलिसी राबवली जाणार नसल्याची माहिती आली आहे. दरम्यान, परिणितीच्या लग्नात अभिनेत्री प्रियांका चोप्रासह अनेक बॉलिवूड कलाकार व विविध क्षेत्रातील मान्यवर उपस्थित राहणार असल्याचे बोलले जात आहे. १३ मेला या दोघांचा साखरपुडा सोहळा पार पडला असून येत्या २४ तारखेला हे दोघं शाही थाटात लग्न करणार आहेत.
