Nagarjuna Akkineni Got Emotional : शोभिता धुलिपाला आणि नागा चैतन्य यांचा शाही विवाहसोहळा संपन्न झाला आहे. सुपरस्टार नागार्जुनने आपल्या मुलाचे व सूनेचे मनमोहक फोटो शेअर करत एक भावनिक पोस्ट शेअर केली आहे. ज्याने साऱ्यांचं लक्ष वेधून घेतलं आहे. दक्षिण भारतीय कपड्यांमध्ये लग्नासाठी सजलेली शोभिता खूपच सुंदर दिसत आहे. तिने विशेष दागिन्यांसह सोन्याची कांजीवरम साडी नेसली होती, ज्यामध्ये चोकर, हार, कानातले आणि मांग टिक्का यांचा समावेश होता. तिचे केस फुलांनी सजवलेल्या पारंपरिक बनमध्ये स्टाईल केले होते, जे तिचं वधूचं रूप पूर्ण करण्यात यशस्वी ठरले. तर नागा चैतन्यने कुर्त्याबरोबर पारंपरिक पंचा परिधान केलेला पाहायला मिळाला. दोघांचा लग्नातील हा खास लूक अनेकांच्या पसंतीस पडला.लग्नानंतर लग्नातील खास क्षण शेअर करत नागार्जुनने त्यांची सून शोभितासाठी खास पोस्ट शेअर केली. या पोस्टने साऱ्यांचं लक्ष वेधलं आहे.
नागार्जुनने या पोस्टच्या कॅप्शनमध्ये लिहिले की, “शोभिता व चाय यांना एकत्र एक सुंदर अध्याय सुरु करताना पाहणे हा माझ्यासाठी खास व भावनिक क्षण आहे. माझ्या प्रिय चायचे अभिनंदन आणि प्रिय शोभिता कुटुंबात आपले स्वागत आहे. तू आमच्या आयुष्यात खूप आनंद आणला आहेस”. शोभिता धुलिपाला आणि नागा चैतन्य यांच्या प्रेमाची सुरुवात हैदराबादमधील एका बर्थडे पार्टीपासून झाली, जिथे शोभिता तिच्या ‘मेजर’ चित्रपटाचे प्रमोशन करत होती. दोघांमध्ये गाड्यांबाबत चर्चा सुरु झाल्याचं सांगण्यात येत आहे. त्यानंतर त्यांच्यात मैत्री झाली जी प्रेमात बदलली. GNews मध्ये प्रसिद्ध झालेल्या बातमीनुसार, काही वेळाने नागा चैतन्यने त्याला आपल्या घरी बोलावले. या जोडप्याला नंतर एका कारमध्ये एकत्र स्पॉट केलं, जे त्यांच्या गहन नातेसंबंधाच्या सुरुवातीचे संकेत होते.
नागा चैतन्यची शोभिताबरोबरची प्रेमकहाणी २०२२ मध्ये सामंथा रुथ प्रभूपासून घटस्फोट घेतल्यानंतर काही महिन्यांनी सुरु झाली. २०२३ मध्ये शेफ सुरेंद्र मोहनने लंडनच्या एका रेस्टॉरंटमधील चैतन्य व शोभिता यांचा ग्रुप फोटो सोशल मीडियावर शेअर केला तेव्हा दोघांच्या अफेअरच्या अफवा सुरु झाल्या. चाहत्यांनी त्यांना लगेचच फोटोमध्ये पाहिले आणि त्यांच्या अफेअरच्या शक्यतांबद्दल अंदाज लावला. शोभिता व नागा पुन्हा प्रकाशझोतात आले जेव्हा त्यांनी ॲमस्टरडॅम फॉरेस्ट फेस्टिव्हलच्या जंगल सफारीतील अशीच छायाचित्रे पोस्ट केली. तेव्हा दोघांनी त्यांच्या नात्याची पुष्टी केली नसली तरी, चाहत्यांना खात्री होती की ते एकत्र हँग आउट करत आहेत.
या जोडप्याने ८ ऑगस्ट २०२४ रोजी अधिकृतपणे त्यांच्या प्रतिबद्धतेची घोषणा केली. नागा चैतन्यचे वडील नागार्जुन यांनी सोशल मीडियावर त्याच्या एंगेजमेंटचे फोटो शेअर करताना एक सुंदर चिठ्ठी लिहिली होती. नागार्जुनने लिहिले होते की, “आम्हाला आमचा मुलगा नागा चैतन्यची शोभिता धुलिपालाबरोबर आज सकाळी ९.४२ वाजता साखरपुड्याची घोषणा करताना आनंद होत आहे. आमच्या कुटुंबात त्यांचे स्वागत करताना आम्हाला खूप आनंद होत आहे. जोडप्याचे अभिनंदन! मी त्याला त्याच्या आयुष्यभर प्रेम व आनंदासाठी शुभेच्छा देतो”. नागा चैतन्य व शोभिता धुलिपाला पारंपरिक कपड्यांमध्ये खूपच सुंदर दिसत आहेत. तेलुगू रितीरिवाजांनुसार त्यांचे लग्न झाले.
