Raqesh Bapat sister angry on vishal kotian : ‘बिग बॉस’च्या घरात फिनाले जवळ येत असताना वातावरण दिवसेंदिवस तापत चाललं आहे. ‘बिग बॉस’ मराठीमध्ये नुकत्याच झालेल्या नॉमिनेशन टास्कने घरात मोठा वाद निर्माण केला. या टास्कमध्ये ज्या सदस्यांच्या नावाचे टीव्ही फुटतील, ते सदस्य फिनालेच्या शर्यतीतून बाहेर जाणार असल्याची घोषणा ‘बिग बॉस’ने केली. यावेळी सदस्य एकमेकांवर आरोप-प्रत्यारोप करताना दिसले, आणि याच दरम्यान राकेश बापटने विशाल कोटियनला नॉमिनेट केलं. कारण देत राकेश म्हणाला, “विशाल पर्सनल लाईफबद्दल बोलतो, हे चुकीचं असल्यामुळे मी त्याला नॉमिनेट करतो”.
मात्र हा मुद्दा विशालला अजिबात पटला नाही. उलट त्यानेही राकेशवर पलटवार करत त्याच्या वैयक्तिक आयुष्याबाबत भाष्य केलं. विशेषतः डिवोर्सचा मुद्दा समोर आणल्यामुळे राकेश प्रचंड संतापला. दोघांमधील वाद इतका टोकाला गेला की त्यांच्यात जोरदार भांडण झालं आणि परिस्थिती हाताबाहेर जात हाणामारीपर्यंत पोहोचली. या घटनेनंतर बाहेरही या वादाची जोरदार चर्चा सुरू झाली. याचदरम्यान राकेशच्या सोशल मीडियावर शेअर झालेल्या एका व्हिडीओमध्ये विशाल त्याला प्रश्न विचारताना दिसतो “तू जे माझ्या वयाबद्दल सतत मस्करी करत असतो, ते चुकीचं नाही का?” आणि त्या व्हिडीओमध्ये पुढे विशालने दुसऱ्या स्पर्धकाची म्हणजेच रेवा कौरासेच्या वयाची मस्करी उडवली होती. तर आता ही व्हिडीओ पाहत राकेश बापटची बहीण शीतल बापटने सोशल मीडियावर प्रतिक्रिया दिली.
आणखी वाचा – दोन वर्षांपासून सुप्रसिद्ध गायिकेचा आवाज ऐकलाच नाही, ‘या’ गंभीर आजाराने आहे त्रस्त, ऐकूच येत नाही आणि…
तिने विशालला टॅग करत एक कमेंट केली तिने म्हटलं, “1 kg बदाम पाठवते! मेमरी लॉस होतोय तुला, रोज खा जरा.” त्यामुळे आता प्रेक्षकांमध्येही चर्चा रंगली आहे, खरंच चूक कोणाची? पर्सनल विषय काढणं चुकीचं, की त्याला उत्तर देणं योग्य? आता या सगळ्या वादातून पुढे काय घडणार?, आणि प्रेक्षक कोणाच्या बाजूने उभे राहणार?, हे पाहणं खूपच उत्सुकतेचं ठरणार आहे.
आणखी वाचा – Video: हनी सिंगच्या कॉन्सर्टमध्ये गोंधळ, महिला चाहती थेट बंद गेटवर चढली आणि…; सुरक्षा रक्षकांना शिवीगाळ
