झी मराठी वाहिनीवरील सर्वच मालिका सध्या प्रेक्षकांच्या पसंतीस पडत आहेत. त्यातील सर्वांची लोकप्रिय मालिका म्हणजे ‘नवरी मिळे हिटलरला’. या मालिकेचे कथानक थोडे हटके असून दिवसेंदिवस या मालिकेची लोकप्रियता खूप वाढत आहे. या मालिकेत राकेश बापट हा एजे म्हणजे अभिराम जहागीरदार व वल्लरी लोंढे ही लीलाची भूमिका साकारताना दिसत आहे . दोघांचीही या मालिकेमध्ये केमेस्ट्री पाहायला मिळत आहे. दरम्यान या मालिकेत सध्या अभिराम व लीला यांच्या लग्नाची धूम पाहायला मिळत आहे. तसेच यामध्ये मनोरंजक वळणं देखील येत आहेत. या मालिकेच्या चित्रीकरणाचे काही व्हिडीओ आपल्या समोर आले आहेत. (navri mile hitler la bts video)
‘नवरी मिळे हिटलरला’ या मालिकेमध्ये लीला व एजेच्या लग्नाची तयारी सुरु असलेली पाहायला मिळत आहे. तसेच सध्या मेहंदीचा कार्यक्रम होत असतानाच ती गायब झाल्याचा प्रोमोदेखील प्रेक्षकांसमोर आला आहे. मात्र यावेळी लीला अचानक गायब झाल्याचेही दिसून येत आहे. आता लीला नक्की कुठे गायब झाली? एजे लीलाला वाचवणार का? असे प्रश्न चाहत्यांच्या मनात उपस्थित राहिले आहेत. मालिकांना लोकप्रियता मिळतेच पण यामागील कलाकारांची मेहनतदेखील खूप असते. सेटवर काम करत असताना कलकारांनाही अनेक समस्यांचा सामना करावा लागतो. पण त्यांच्यातील अभिनयाची आवड व जिद्द यामुळे कलाकार कोणत्याही परिस्थितिमध्ये आपले काम चोखपणे करताना दिसतात.
असाच या मालिकेतील एक भर उन्हात शूटिंग करतानाचा व्हिडीओ ‘इट्स मज्जा’ या युट्यूब चॅनलवर पाहायला मिळत आहे. या व्हिडीओमध्ये एजे व लीला उन्हात चित्रीकरण करताना दिसत आहेत. या व्हिडीओमध्ये दोघेही भांडताना दिसत असून हा सीन उन्हात शूट करण्यात आला आहे. यावेळी देखील दोघांमध्ये भांडणं सुरु आहेत असे दिसत आहे. या व्हिडीओला प्रेक्षकांची खूप पसंतीदेखील मिळत आहे.
द्रमयान या मालिकेमध्ये एजे व लीला यांच्या लग्नात कोणत्या अडचणी येणार? दोघेही या अडचणींचा कसा सामना करणार हे पाहणे औत्सुक्याचे ठरणार आहे.