सध्या सोशल मीडियावर कधी काय व्हायरल होईल याचा नेम नसतो. सोशल मीडियावर एखादा ट्रेंड येतो आणि सर्व सोशल मीडियावासी तो ट्रेंड पूर्ण करण्यासाठी सज्ज होतात. सध्या असा एक ट्रेंड सुरु आहे ज्याची भुरळ संपूर्ण जगभरात पाहायला मिळत आहे. ‘गुलाबी साडी’ या गाण्यावर सगळेच नेटकरी ठेका धरताना दिसत आहेत. काही दिवसांपूर्वी बॉलिवूडमधील प्रसिद्ध नृत्यदिग्दर्शक रेमो डिसूझाने देखील डान्स केला होता. मराठी दिग्दर्शक रवी जाधव यांची पत्नी मेघना जाधव या गाण्यावर हटके अंदाजात ठेका धरताना दिसले. ज्याची चर्चा सध्या सर्वत्र पाहायला मिळत आहे. (ravi jadhav instagram post)
सोशल मीडियावर सगळे जण ‘गुलाबी साडी’ या गाण्यावर रील बनवत आहेत. हे व्हिडीओ सोशल मीडियावर मोठ्या प्रमाणात व्हायरल देखील होत आहेत. रवी जाधव यांच्या पत्नी मेघना जाधव यांना हा मोह आवरला नाही. या व्हिडीओमध्ये मेघना तिच्या मैत्रिणींबरोबर स्कुबा डायव्हिंग करताना मेघनाचा व्हिडीओ शेअर करत रवी जाधवांनी लिहिले आहे की, “मेघना व तिच्या मैत्रिणींचा अंडरवॉटर मराठी ठसका. इंडोनेशियातील राजा अंपट बेटातील पाण्याखाली नाचताना दुसऱ्या जगात गेल्यासारखे वाटे. या जबरदस्त गाण्यासाठी संजू राठोड तुझे खूप आभार”. रवी जाधवांनी शेअर केलेल्या व्हिडीओला प्रेक्षकांची खूप पसंती मिळत आहे.
दरम्यान रवी व मेघना हे दोघंही सोशल मीडियावर खूप सक्रिय असतात. आपल्या खासगी आयुष्यातील खास क्षण ते चाहत्यांबरोबर शेअर करत असतात. रवी व मेघना यांची लव्हस्टोरी खूपच रंजक आहे. त्यांनी त्याच्या मित्राच्या बहिणीबरोबर लग्न केले. त्यांनी 14 फेब्रुवारी रोजी मेघनाला प्रपोज केले होते.
रावी जाधव यांच्या कामाबद्दल बोलायचे झाले तर त्यांनी यांपर्यंत अनेक हिट चित्रपटांचे दिग्दर्शन केले आहे. यामध्ये ‘नटरंग’, ‘टाइमपास’, ‘टाइमपास २’, ‘अनन्या’, ‘न्यूड’ असे अनेक मराठी चित्रपट केले आहेत. नुकताच त्याचा ‘मै अटल हू’ या चित्रपटाच्या दिग्दर्शनाची धुरा सांभाळली. या चित्रपटामध्ये देशाचे माजी पंतप्रधान अटल बिहारी वाजपेयी यांचा जीवनपट उलगडून दाखवला आहे.
