Kranti Redkar on her identity : सोशल मीडियावर सध्या चर्चेत असलेल्या अभिनेत्रींपैकी एक म्हणजे क्रांती रेडकर. सोशल मीडियावर क्रांती तुफान व्हायरल असते. नेहमीच ती काही ना काही शूट करत चाहत्यांना अपडेट देते. विशेषतः क्रांती तिच्या जुळ्या मुलींचा व्हिडीओ शेअर करताना दिसते. छबील-गोदोची आई म्हणून नेहमीच ती काही ना काही मजेशीर संवाद व्हिडीओ स्वरूपात शेअर करते. काही दिवसांपूर्वीच क्रांतीने सोहम बांदेकरच्या लग्नात तिच्या मुलींचा चेहरा दाखवला. आतापर्यंत क्रांतीने तिच्या दोन्ही मुलींचा चेहरा दाखवला नव्हता. मात्र आता या लग्नात तिच्या दोन्ही मुली समोर आल्या. आणि अनेकांनी त्यांच्यावर कौतुकाचा वर्षाव केला.
अभिनेत्री म्हणून क्रांती नेहमीच प्रसिद्ध झाली. पण आता सोशल मीडियावरील लेकींबरोबरच्या व्हिडीओमुळे क्रांती छबील-गोदोची आई म्हणून जास्त लोकप्रिय आहे. क्रांती रेडकरने नुकतीच ‘लोकशाही फ्रेंडली’ला मुलाखत दिली. या मुलाखतीत तिला विचारले की, “कोणती भूमिका तुला सगळ्यात जास्त आवडते आणि ती कायम तुझ्याबरोबर असावी असं वाटतं?”. त्यावर क्रांती म्हणाली, “मी सध्या ज्या भूमिकेत आहे ती आहे छबील-गोदोची आई. कुठेही गेले तरी छबील-गोदोची आई आली असं म्हणतात. ही माझ्यासाठी खूप खास ओळख आहे”.
आणखी वाचा – मुलगा झाला हो! भारती सिंह दुसऱ्यांदा झाली आई, गोंडस मुलाला दिला जन्म
पुढे ती म्हणाली, “व्यावसायिकदृष्ट्या आपली एक ओळख असते. एक लेखक, दिग्दर्शक आणि निर्माता म्हणून आपली एक ओळख असते. त्याचा मी आता अनेक वर्षे आनंद घेतला आहे. कारण मी वयाच्या १७ व्या वर्षी पहिलं व्यावसायिक नाटक केलं. इतक्या वर्षांचं काम आहेच. पण, एक स्त्री म्हणून, एक आई म्हणून माझी झालेली ओळख आहे, ती मला आवडते”.
शेवटी क्रांती म्हणाली, “मला कुठेच असं वाटत नाही की त्यांची आई म्हणून मला ओळखतात का, मिस्टर वानखेडेंची बायको म्हणून मला ओळखतात का, असं मला वाटत नाही. काही स्त्रियांना त्याचा त्रास होतो. त्यांना असं वाटतं की माझी स्वतःची काही ओळख नाही का? माझं तसं काही नाही. मला ते आवडतं”, असं म्हणत क्रांतीने तिच्या ओळखीबाबत खुलासा केला.
