Bharti singh gave birth to baby boy: कॉमेडियन भारती सिंह अनेक दिवसांपासून गुडन्युजमुळे चर्चेत होती. काही दिवसांपूर्वीच ती तिच्या कुटुंबियांसोबत स्वित्झर्लंडमध्ये सुट्ट्यांचा आनंद घ्यायला गेली होती. तिथेच तिने आपल्या दुसऱ्या प्रेग्नेंसीची घोषणा केली. भारतीनं स्वित्झर्लंडमधून अनेक व्हिडिओ शेअर केले आहेत. अशातच ‘लाफ्टरक्वीन’ भारती सिंहने आनंदाची बातमी दिली आहे. भारती सिंग दुसऱ्यांदा आई झाली आहे.
आज (१९ डिसेंबर) तिने गोंडस मुलाला जन्म दिला. गोलानंतर त्यांना पुन्हा पुत्ररत्नाची प्राप्ती झाली आहे. आज सकाळीच तिला ‘लाफ्टर शेफच्या’ शूटिंगआधी तिला प्रसूती कळा सुरु झाल्या आणि तिला तात्काळ रुग्णालयात दाखल करण्यात आले. तिला दुसऱ्यांदा मुलगा झाला. ३ एप्रिल २०२२ रोजी भारतीला पहिला मुलगा झाला होता. त्याचं नाव लक्ष असं आहे. त्याला प्रेमाने त्यांनी गोला असं नाव ठेवलं. आता छोटा गोलाला त्याच्याहून चिमुकला भाऊ मिळाला आहे. भारती सिंह आणि हर्ष लिंबाचिया आईबाबा झाले आहेत. सध्या तिच्या कुटुंबात आनंदाचं वातावरण आहे. भारतीने गुडन्यूज दिल्यानंतर चाहते तिच्यावर अभिनंदनाचा वर्षाव करत आहेत. भारतीच्या दुसऱ्या मुलाचीही झलक पाहण्यासाठी चाहते खूपच आहेत. खरंतर भारतीने यावेळी मुलगी हवी अशी इच्छा व्यक्त केली होती. ‘मुलानंतर एक मुलगी तर असावीच घरात शिस्त राहते. गोला तर खूप उत्साहित आहे. गोला नंतर आता गोली हवी’ अशी तिने प्रतिक्रिया दिली होती. मुलीची इच्छा पूर्ण होऊ शकली नसली तरी दुसऱ्या बाळाच्या जन्माचा आनंद मोठा आहे. भारतीने वयाच्या ४१ व्या वर्षी दुसऱ्या मुलाला जन्म दिला आहे.
नुकतंच भारतीचं डोहाळजेवण पार पडलं होतं. यावेळी अनेक टीव्ही कलाकार आले होते. अंकिता लोखंडे, ईशा मालवीया, ऋतिक धनजानी, एल्वेिश यादवसह अनेक कलाकारांची हजेरी होती. भारती सिंह आणि हर्षने अद्याप अधिकृतरित्या गुडन्यूज जाहीर केलेली नाही. मात्र सोशल मीडियावर भारतीच्या दुसऱ्या डिलीव्हरीची चर्चा आहे.
