मराठी सिनेसृष्टीत आपल्या दमदार अभिनयातून प्रेक्षकांच्या मनं जिंकणारा अभिनेता म्हणजे संतोष जुवेकर. ‘फक्त लढ म्हणा’, ‘रेगे’, ‘झेंडा’ यांसारख्या चित्रपटातून दमदार अभिनय साकारत संतोषने प्रेक्षकांच्या मनात स्वतःची वेगळी ओळख निर्माण केली. विविध मालिकांमधूनही विविध पात्र साकारत त्याने या क्षेत्रातही आपलं नाव कमावलं. मराठी सिनेसृष्टीत आपली छाप उमटवल्यानंतर त्याने हिंदी चित्रपट क्षेत्रातही नाव कमावलं. संतोष हिंदी सिनेमांसह वेब सीरीजमध्येही झळकला आहे. तो सोशल मीडियावर बराच सक्रिय असतो. रोजच्या आयुष्यातील कामाव्यतिरिक्त क्षण फोटो, व्हिडीओतून आपल्या चाहत्यापर्यंत पोहोचवत असतो. नुकतीच त्याने शेअर केलेली पोस्ट सोशल मीडियावर बरीच चर्चेत आहे. (Santosh juvekar goes to street side salon)
प्रत्येक कलाकार वेगवेगळ्या ब्रँडच्या वस्तू वापरतो. वेगवेगळ्या ब्रँडकडून सुविधांचा लाभ घेत असतो. तसाच संतोषनेही आपण घेत असलेल्या एका एका ब्रँडचं विशेष कौतुक केलं आहे. फोटो शेअर करत त्याने एक भावनिक पोस्ट लिहीला आहे. ज्याची सोशल मीडियावर बरीच चर्चा रंगली आहे. संतोषने ‘मला नेहमी ब्रँन्डेड गोष्टी लागतात’, अस म्हणत एक फोटो शेअर केला आहे.
‘सर जो तेरा चकराय’ या जुन्या गाण्याची जोड देत फोटो शेअर केला आहे. त्या फोटोत तो एका रस्त्याच्या कडेला असलेल्या हेअर कटिंग सलॉनमध्ये बसलेला दिसत आहे. तिथल्या न्हाव्याकडून तो डोक्याची चंपी करुन घेताना दिसत आहे. हा फोटो शेअर करत त्याने एक भलीमोठी पोस्ट लिहीली आहे.
संतोष पोस्टमध्ये लिहीतो, ‘मला always ब्रँडेड गोष्टी लागतात. मी असा उगाच कुठेही कुठल्याही जागी जात नाही. जेव्हा मला माझ्यातला मी हवा असतो, तेव्हा ते फसफस करून उडवलेलं पाणी, फळीवरच्या लॉरीयलच्या बाटलीतलं खोबरेल तेल पचपच करून माझ्या डोक्यावर तो थापतो व खसाखसा घासतो. मग जेव्हा तो प्रेमाने विचारतो, ‘बरं वाटतंय का रे?’ तेव्हा अगदी घरी असल्यासारखं वाटतं. मला आईची आठवण येते. मला हा माझा brand कायम सोबत हवा आहे. बस इतनासा ख्वाब है!!!’, असं लिहीत या सलॉनशी त्याचं असलेलं नातं सांगितलं आहे. त्यातील त्याचे भाव हे त्याला त्याच्या आईची आठवण करून देत असल्याचं तो म्हणतो आहे. संतोषच्या या पोस्टवर नेटकऱ्यांनीही लाईकचा वर्षाव केला आहे.