महाराष्ट्रातच नाही तर पूर्ण देशभरात सध्या ढोलताशांचा आवाज घुमत आहे. मोठ्या जल्लोषात आपल्या लाडक्या बाप्पाचं आगमन झालं आहे. गणपती बाप्पा मोरया, मंगलमुर्ती मोरया हाच आवाज सगळीकडे घुमत आहे. आता पुढिल ९ दिवस बाप्पामया वातावरण सगळीकडे असणार आहे. कलाकार मंडळींच्या घरातही बाप्पा विराजमान झाले आहेत. सगळ्या कलाकार मंडळींनी आपल्या घरच्या बाप्पासह फोटो शेअर केले आहेत. (Adinath’s daughter suggest to bappa)
नुकतंच अभिनेता आदिनाथ कोठारेच्या मुलीने एक बाप्पासाठी खास व्हिडीओ शेअर केला आहे. आदिनाथची मुलगी जिजा नेहमीच चर्चेत असते. सोशल मीडियावरील विविध ट्रेन्डींग रीलवर ती व्हिडिओ बनवत असते. नेटकरी ही तिच्या गोडव्याचं नेहमी कौतुक करताना दिसतात. त्यामुळे ती सोशल मीडियावर बरीच लाडकी आहे. नुकताच तिने जो व्हिडिओ शेअर केला आहे त्यात ती बाप्पाला हेल्थ टिप्स देताना दिसते. हा व्हिडिओ सोशल मीडियावर बराच व्हायरल होत आहे.
अदिनाथ कोठारेने त्याची लेक जिजासह एक व्हिडिओ शेअर केला आहे. ज्यात ती एक गोड गाणं गाताना दिसतं आहे. ‘किती वेळा सांगितलं हो बाप्पा तुम्हाला, इतकं गोड खाऊ नका जपा जिवाला’, असं म्हणत ती बाप्पाला सल्ला देत आहे. या व्हिडिओत जिजाच्या गाण्यावर आदिनाथ अ‍ॅक्शन करताना दिसत आहे.
आदिनाथने या व्हिडिओला ‘जीजा आणि डॅडाकडून बाप्पाला हेल्थ टिप व सगळ्यांना गणेश चतुर्थीच्या शुभेच्छा’, असं म्हणत व्हिडिओला कॅप्शन दिलं आहे. या व्हिडीओवर कलाकार मंडळींसह नेटकऱ्यांनीही भरभरून प्रतिक्रिया दिल्या आहेत. एका नेटकऱ्यांने, ‘बापरे खूप खूप गोड’, असं म्हणत जिजाचं कौतुक केलं आहे. तर अभिनेता अभिजित खांडकेकरने, ‘धमकी to बाप्पा’ असं लिहीत जिजाने बाप्पाला दिलेल्या गोड धमकीचं कौतुक केलं आहे.
