सध्या सर्वत्र गणेशोत्सवानिमित्त एक वेगळाच उत्साह पाहायला मिळतोय. सर्वसामान्यांपासून ते अगदी कलाकार मंडळींपर्यंत सगळ्यांकडेच गणेशोत्सवाचा आनंद पाहायला मिळतोय. बऱ्याच नवोदित कलाकार जोडप्यांचा यंदाचा पहिला गणपती आहे. बऱ्याच कलाकारांनी त्यांच्या घरच्या गणपती बाप्पांचे अनेक फोटोस, व्हिडीओस शेअर देखील केले आहेत. गणेशोत्सवाचा हा आनंद एका कलाकार जोडप्याने देखील शेअर केला आहे. (Hardeek Joshi On Ganeshotsav)
मराठी मालिकाविश्वातील प्रसिद्ध जोडी म्हणजे अभिनेता हार्दिक जोशी व अभिनेत्री अक्षया देवधर. ‘तुझ्यात जीव रंगला’ या लोकप्रिय मालिकेतून ही जोडी प्रेक्षकांच्या घराघरात पोहोचली. या जोडप्याने मालिकेत उत्तम अभिनय करत प्रेक्षकांची मनं जिंकली. प्रेक्षकांना ही जोडी ऑनस्क्रीन जेवढी आवडली तितकीच ती ऑफस्क्रीनही लोकप्रिय ठरली. या जोडीचा वेगळा असा चाहतावर्ग आहे. मालिका संपल्यानंतर या दोघांनी एकमेकांसोबत संपूर्ण आयुष्य घालवण्याचा निर्णय घेतला.
लग्नानंतर हार्दिक व अक्षयाचे पहिले सर्वच सण ही जोडी आनंदाने साजरी केली आहे. काही दिवसांपूर्वी अक्षयाची लग्नानंतरची पहिलीच मंगळागौर साजरी करण्यात आली. त्यानिमित्त हार्दिकच्या घरी जोरदार तयारीही करण्यात आली होती. अक्षयाने तिच्या पहिल्या मंगळागौरचे फोटो सोशल मीडियावर शेअर देखील केले होते, अक्षयाबरोबर मंगळागौरच्या गाण्यांवर हार्दिकनेही ठेका धरलेला पाहायला मिळाला.
त्यानंतर आता हार्दिकने गणपती बाप्पाचा फोटो शेअर केला आहे. या फोटोखालील कॅप्शनने साऱ्यांचं लक्ष वेधून घेतलं आहे. हार्दिकने कॅप्शन देत म्हटलं आहे की, “‘जोश्यांचा राजा २०२३’ बायकोचा पहिला गणपती”. हार्दिकने बायकोच्या पहिल्या गणेशोत्सवाचे काही फोटोही सोशल मीडियावरून शेअर केले आहेत. त्यांच्या फोटोसवर त्यांच्या चाहत्यांनी लाईक्सचा वर्षाव केला आहे.