मराठी चित्रपट हे प्रामुख्याने ओळखले जातात त्यांच्या विशेष कथेसाठी. मात्र एक काळ असा होता प्रेक्षक त्यांच्या आवडत्या कलाकारांच्या जोडीला पाहण्यासाठी गर्दी करायचे. प्रेक्षकांची आवडती जोडी पडद्यावर दिसली नाही कि चित्रपटावर फ्लॉप शो ची पाटी देखील त्याकाळी लागायची. मराठी मनोरंजन सृष्टीतील अशाच एका जोडी बरोबर हा किस्सा घडल्याचा पाहायला मिळालं होतं. ही प्रेक्षगाहकांची लाडकी जोडी म्हणजे दिवंगत अभिनेते लक्ष्मीकांत बेर्डे व अभिनेते दिग्दर्शक, निर्माते महेश कोठारे. अनेक चित्रपटांमध्ये एकत्र काम करून या दोन अभिनेत्यांनी प्रेक्षकांच्या मनावर राज्य केले. आजही या जोडीचे चित्रपट प्रेक्षकांकडून तेवढ्याच आनंदाने पहिले जातात.(Laxmikant Berde Mahesh kothare Movie)
महेश कोठारे यांची त्यांच्या आत्मचरित्रात लक्ष्मीकांत बेर्डे यांच्याबरोबर चित्रपट न केल्याने चित्रपटाला यश आले नाही याबाबतचा एक किस्सा शेअर केला आहे.’जिवलगा’ या चित्रपटात महेश-लक्ष्या ही प्रेक्षकांची लाडकीजोडी न दिसल्याने चित्रपट चालला नाही असं मत दिगदर्शक महेश कोठारे यांचं होतं. एखाद्या जोडीची प्रेक्षकांना इतकी आवड निर्माण झालेली असते कि एक दिसला तर दुसरा नक्की येणार असं त्यांनी गृहीतच धरलेलं असायचं पण ‘जिवलगा’च्या निर्मितीत असं घडलं नाही. पडद्यामागे महेश कोठारे आणि पडद्यावर वर लक्ष्मीकांत बेर्डे पण दोघे एकत्रच न दिसल्याने हा चित्रपट पडला कि काय शाशंका महेश यांनाही होती आणि ती त्यांनी लक्ष्मीकांत बेर्डे याना बोलून सुद्धा दाखवली.
आणखी वाचा- सहा वर्षांचा संसार मोडला, घटस्फोटानंतर कुशा कपिला कॉमेडियनला करत आहे डेट, सोशल मीडियावर जोरदार चर्चा
‘झपाटलेला’ चित्रपटाच्या तयारीपूर्वी महेश कोठारे लक्ष्मीकांत बेर्डे यांना म्हणाले होते ‘ लक्ष्या प्रेक्षकांना आता फक्त ‘महेश- लक्ष्या’ हेच कॉम्बिनेशन हवं आहे. ‘तू ओरडणार महेश महेश आणि मी म्हणणार लक्ष्या मी आलोच’ हेच ट्युनिंग प्रेक्षकांना बघायचं आहे. त्यामुळॆ आता पुन्हा आपण या कडे लक्ष देऊयात आणि महेश कोठारे यांनी लक्ष्मीकांत यांना झपाटलेलाची कहाणी सांगितली आणि सुरुवात झाली पुन्हा एकदा महेश लक्ष्याच्या जोडीच्या नवीन चित्रपटाची.(Laxmikant Berde Mahesh kothare Movie)
या जोडीने एकत्र काम केलेल्या अनेक चित्रपटांनी रुपेरी पडदा गाजवला. ‘दे दणादण’, ‘झपाटलेला’, ‘थरथराट’ अशा अनेक चित्रपटांमधून ही जोडी प्रेक्षकांसमोर आली आणि प्रेक्षकांच्या मनात कायम एक वेगळं घर करून राहिली. चित्रपटाच्या यशाच्या हा फॉर्मुला असू शकतो हे तेव्हा या जोडीने ठळकपणे स्पष्ट करून दाखवलं.
