‘महाराष्ट्राची हास्यजत्रा’ फेम अरूण कदम हटके विनोदी शैलीसाठी बरेच प्रसिद्ध आहे. त्यांच्या विनोदाचा तर संपूर्ण महाराष्ट्र चाहता आहे. अरुण म्हणजे ‘महाराष्ट्राचे दादूस’ त्यांच्या घरात सध्या दिवाळीचा मोठा जल्लोष दिसत आहे. यावर्षी सगळ्या सणांप्रमाणे हा सणही मोठ्या उत्साहात साजरा होत आहे. अरुण यांचा लेक म्हणजे सुकन्या हिच्या गोंडस बाळाची म्हणजेच अथांगची ही पहिलीच दिवाळी आहे. त्यामुळे त्यांच्या घरात दिवाळी मोठ्या उत्साहात साजरी होत आहे. अरुण यांच्या नातवाचा अथांगचा उटणं लावतानाचा व्हिडीओ सध्या सोशल मीडियावर व्हायरल होत आहे.(arun kadam this Diwali celebrate with grandson)
नरकचतुर्थीनंतरचा दिवस म्हणजे दिवाळी पहाट. यादिवशी सकाळी लवकर उठून आंघोळीपूर्वी सुगंधीत उटण्याच्या लेप संपूर्ण अंगाला लावला जातो आणि त्यानंतर अंभ्यंगस्नान करण्याची पद्धत आहे. नंतर गोडाचे पदार्थांनी दिवसाची सुरुवात होते. महाराष्ट्रात ही परंपरा वर्षानुवर्ष चालू आहे. ती आजही तितकीच उत्साहात साजरी केली जाते. अशीच या दिवाळीच्या पहाटेची सुरुवात अरुण यांच्या घरी करण्यात आली. अरुण यांच्या नातवाची ही पहिलीच दिवाळी असल्यामुळे त्यांच्या घरात दिवाळीचा मोठा उत्साह आहे.
शेअर केलेल्या व्हिडीओत अरुण यांची कन्या त्यांच्या नातवाला मांडीवर घेऊन बसलेली दिसत आहे. त्यानंतर अरुण यांच्या पत्नी वैशाली यांनी त्याला उटण्याचा टिळा लावला आणि नंतर संपूर्ण अंगाला उटणं लावलं. अरुणही नातवाला उटणं लावताना दिसले. त्यानंतर आंघोळीनंतर त्याला पांढऱ्या रंगाचा छान पोषाख परिधान करण्यात आला. अरुण यांच्या पत्नीने त्यानंतर त्याचं औक्षण केलं आणि अथांगला पहिल्या दिवाळीच्या निमित्ताने भेटवस्तूही दिली. अशा प्रकारे अरुण यांच्या नातवाची दिवाळी पहाट साजरी झाली.
हा व्हिडीओ सध्या सोशल मीडियावर बराच व्हायरल होत आहे. नेटकऱ्यांनीही लाईक व कमेंट केले आहेत. एका नेटकऱ्याने लिहीलं की, ‘अगं किती गोड, देवाची कृपा सदैव राहो’, असे कमेंट केले आहेत तर दुसऱ्या नेटकऱ्याने ‘बाळा अगदी आजोबांसारखंच आहे’, अशी कमेंट केली आहे.