अनेकांची स्वप्न, भेटी-गाठी, लेकाला भेटण्याची ओढ, नवऱ्या भेटण्यासाठी निघालेली नववधू, उच्च शिक्षणाची झेप सगळं सगळं काही एका विमानाने गिळून टाकलं. तब्बल २६५ लोकांचं जीवन क्षणात नाहीसं झालं. गुजरातहून लंडनला निघालेल्या एअर इंडियाच्या विमानाने उड्डाण घेतलं. काही कळायच्या आतच हे विमान अहमदाबादमधील मेघानी नगर परिसरात कोसळलं. विमानात बसून लाखो स्वप्न पाहणाऱ्यांचे शरीर काही मिनिटांमध्ये आगीच्या लाटांमध्ये होरपळून निघालं. काय काय घडलं असेल त्याक्षणी… फक्त व्हिडीओ, फोटो पाहिले तरी काळजात चर्रर्रर्रर्रर्र होतं. एअर इंडियाचं AI171 विमान उड्डाणानंतर अवघ्या ३३ सेकंदामध्ये खाली कोसळलं. पण या ३३ सेकंदामध्ये नक्की काय काय घडलं? हे सविस्तर पाहूयात. (ahmedabad plane crash details)
सोशल मीडियावर विमान कोसळतानाचे, विमान कोसळल्यानंतर असंख्य व्हिडीओ व्हायरल झाले आहेत. यामध्ये तेथील परिस्थिती नेमकी काय असू शकते? याचा अंदाज येतो. आतापर्यंत या दुर्घटनेमध्ये २६५ लोकांचा मृत्यू झाला असल्याची नोंद समोर आली आहे. पण विमानाने उड्डाण घेतल्यानंतर ते ३३ सेकंदांमध्ये कोसळलं. त्यादरम्यान नक्की काय घडलं हे हिंदुस्तान टाइम्सच्या एका रिपोर्टमधून समोर आलं आहे.
विमानाने उड्डाण घेताच ते पुन्हा खाली येताना व्हिडीओमध्ये दिसत आहे. मात्र पुन्हा उड्डाण करण्यासाठी विमान वरच्या दिशेने जातानाही दिसलं. मात्र यावेळी प्रयत्नांना यश आलं नाही. काही कळायच्या आतच ते खाली कोसळलं. या विमानाचं रुपांतर एका भयंकर आगीमध्ये झालं. विमान ज्या इमारतीवर कोसळलं ती मेडिकल कॉलेजच्या हॉस्टेलची इमारत होती. दुपारची वेळ असल्यामुळे मेडिकल कॉलेजमधील मुलं हॉस्टेलमध्ये जेवत होते.
आणखी वाचा – Video : करिष्मा कपूरच्या लग्नात करीनाचा नखरा, नवरीसारखा डोक्यावरुन पदर घेतलेला आणि…; लूक पाहून चाहते हैराण
#WATCH | DD News held an exclusive conversation with #Vishwashkumar, the only survivor of the Ahmedabad plane crash.#planecrashahmedabad #AirIndiaFlightCrash |@neerajddnews pic.twitter.com/tGD2VOVFkr
— DD News (@DDNewslive) June 13, 2025
विमान कोसळलं की नक्की काय झालं? हे त्या कॉलेजमधील मुलांनाही कळत नव्हतं. क्षणार्धात शांत उभी असणारी इमारत जीवघेण्या आगीमध्ये रुपांतरीत झाली. काच, भिंतीचे तुकडे वाऱ्यासारखे उडत होते. एविएशन सेफ्टी नेटवर्क डेटाबेसच्या नुसार ड्रिमलायनर कंपनीची ही पहिली विमान क्रॅश झालेली घटना होती. क्षणार्धात नक्की काय होणार आहे? याची पुसटशी कल्पनाही कोणाला नसावी.
विमानाने उड्डाण घेताच नक्की काय काय घडलं?
दुपारी १.३० वाजता – विमान उड्डाण घेण्यासाठी तयार झालं
दुपारी १.३१ वाजता – विमानाने धावपट्टीवर पुढे जाण्यास सुरुवात केली
दुपारी १.३४ वाजता – फ्लाइट टेक ऑफसाठी रनवे २८वर रांगेत उभी होती
दुपारी १.३८.२४ वाजता – ड्रिमलायनरने अखेरची प्री-फ्लाइट तपासणी केली आणि रनवेमधून विमान पुढे सरकलं
दुपारी १.३८.४० वाजता – AI171 विमानाने टेकऑफ केलं. काही क्षणांमध्येच पायलटने ATC ला मेडे कॉल (Mayday) पाठवला. आणीबाणीच्या प्रसंगी या पर्यायाचा वापर केला जातो.
दुपारी १.३८.५५ वाजता – विमान ६२५ फुट उंचावर पोहोचलं होतं. फ्लाइट रडारच्या डेटानुसार माहिती समोर आली की, विमान वेगाने खाली उतरण्यापूर्वी १७४ (knots) समुद्रापासून उंचावर कमाल वेग गाठला.
दुपारी १.३९.१३ वाजता – विमानाचं पुढचं लोक उंचावर जाऊ लागलं आणि हळूहळू जमिनीच्या दिशेने येऊ लागलं. काही क्षणांमध्येच विमान डोळ्यांसमोर होत्याचं नव्हतं झालं.
