Karisma Kapoor Sanjay Kapur Wedding Video : करिश्मा कपूरचे पूर्वाश्रमीचे पती संजय कपूर आता या जगात नाहीत. वयाच्या ५३ व्या वर्षी संजय कपूर यांचा पोलो खेळत असताना हृदयविकाराच्या झटक्याने मृत्यू झाला. संजय कपूरच्या मृत्यूच्या बातमीच्या दरम्यान, त्या काळात२२ वर्षीय करिश्माचा लग्नाचा व्हिडीओ आणि काही फोटो बरेच व्हायरल होत आहेत. करिष्माच्या लग्नातील या फोटोंमध्ये करीना कपूरने करिश्मापेक्षा प्रत्येकाचे लक्ष वेधून घेतले आहे, ज्यात ती वधूच्या तुलनेत अधिक सुंदर दिसत होती. लग्नातील समोर आलेल्या फोटोंमध्ये नव्या जीजूंबरोबर करीनाला वावरणं थोडं अवघड जात असल्याचंही दिसलं.
करीनाने आपल्या बहिणीच्या लग्नात हिरव्या रंगाचा डिझाइनर लेहेंगा परिधान केला होता. २००३ मध्ये करिश्मा आणि संजय यांच्या लग्नादरम्यान, करीना त्यांच्या मागे मध्यभागी बसलेली दिसली. या थ्रोबॅक व्हिडीओमध्ये, वधू करिश्मा कपूर गुलाबी लेहेंगामध्ये खूप सुंदर दिसत आहे. त्याच वेळी, करीना वारंवार तिचा डोक्यावर घेतलेला पदर सावरताना दिसत आहे. ज्यामुळे लोकांनीही आश्चर्य व्यक्त केले आहे. या व्यतिरिक्त, करिश्मा या व्हिडीओमध्ये लाजताना दिसली आहे. लग्नानंतर निरोपावेळी आई बबिता करिष्माचे लाड करताना आणि काळजी व्यक्त करताना दिसत आहे.
आणखी वाचा – अहमदाबाद विमान दुर्घटनेनंतर मराठी कलाकारही हळहळले, श्रद्धांजली वाहत थेट परमेश्वरालाच केला सवाल
या व्यतिरिक्त, ऋषी कपूर, राजीव कपूर, रितू नंदा, रीमा कपूर आणि कुटुंबातील इतर सदस्यही या व्हिडीओमध्ये खूप आनंदी आहेत. या व्हिडीओमध्ये करीना कपूरला पाहून लोक म्हणाले, “करीनाकडे पहा, बेबोने डोक्यावरुन पदर का घेतला आहे”. दुसरा म्हणाला, “करीना काकूसारखी का दिसत आहे?”. तर दुसऱ्या एका नेटकाऱ्याने म्हटलं आहे की, “अरे देवा, डोक्यावरुन पदर घेऊन करीना”. त्याच वेळी, बर्याच लोकांनी म्हटले आहे, “करिश्माने चुकीचा माणूस निवडला”. तर आणखी एकजण म्हणाला, “सर्व काही ठीक आहे पण करीना वधू बनून का आली आहे?”.
आणखी वाचा – अहमदाबाद विमान अपघातानंतर विक्रांत मेस्सीवर दुःखाचा डोंगर, जवळच्या वक्तीचे निधन, म्हणाला, “माझे काका…”
एका नेटकऱ्याने करीनावर टिप्पणी करत म्हटलं, “करीना युपी साईडला होणाऱ्या लग्नातील टिपिकल सून दिसत आहे”. करिष्माच्या लग्नातील काही फोटोंमध्ये करीना तिचे जीजू संजय कपूरबरोबर पोज देताना दिसली. संजय कपूरच्या मृत्यूची बातमी ऐकून करीना रात्री उशिरा करिश्माच्या घरी तिचे सांत्वन करण्यासाठी पोहोचली. यावेळी सैफ अली खानही तिच्याबरोबर होता. कॅमेरा पाहिल्यानंतर करीना आपला चेहरा लपविण्याचा प्रयत्न करीत होती आणि ती खूप दु: खी दिसत होती.
