Nitibha Kaul Enagaged: २०२५ मध्ये अनेक कलाकारांनी प्रेमाची कबुली देत लग्नघर बांधली. अशातच ‘बिग बॉस १०’ फेम नितिभा कौल हिने गुपचूप साखरपुडा केला आहे. फिल्मी स्टाइलने नितिभाने बॉयफ्रेंडसोबत साखरपुडा केला.सोशल मीडियावर फोटो आणि व्हिडीओ शेअर करत तिने ही आनंदाची बातमी चाहत्यांना दिली आहे. साखरपुड्याचे फोटो नितिभाने तिच्या इन्स्टाग्रामवर शेअर केले आहेत. हे फोटो शेअर करत तिने बॉयफ्रेंडचा चेहरादेखील दाखवला आहे. नितिभाने या खास क्षणासाठी खास लूक केला होता. तिने पांढऱ्या रंगाचा शॉर्ट वन पीस परिधान केला होता. तर तिच्या बॉयफ्रेंडने शर्ट आणि पँट असा पेहराव केला होता. फिल्मी स्टाइलने दोघांनीही साखरपुडा करत फोटोसाठी खास पोझही दिल्या.
नुकतीच नितिभा कौलने तिच्या बॉयफ्रेंडच्या प्रपोजलचा एक व्हिडीओ इन्स्टाग्रामवर शेअर केला आहे. व्हिडीओमध्ये, तिच्या होणाऱ्या नवऱ्याने तिला गुडघ्यावर बसून प्रपोज केला. आनंदाने नितिभा त्याला होकार देते. हा व्हिडीओ शेअर करत तिने कॅप्शनमध्ये लिहिलं, “मी इतक्या सहजपणे कधीच होकार दिला नाही.” दुसऱ्या एका पोस्टमध्ये नितिभाने लिहिलं, “या सुंदर दिवशी त्याने मला प्रपोज केलं. आता मी कायमची त्याची झाली आहे. वर्षानुवर्षे रात्री उशिरा फोन कॉल्स, एअरपोर्ट गुडबाय, खूप सारे अश्रू आणि वेगवेगळ्या टाइम झोनमध्ये एकमेकांवर प्रेम केल्यानंतर हा क्षण आला. हे प्रपोजल माझ्यासाठी स्वप्नवत होतं.” (Nitibha Kaul Enagaged)
नितिभा आणि तिचा बॉयफ्रेंड लाँग डिस्टन्स रिलेशनशिपमध्ये होते. युरोपमध्ये त्यांची भेट झाली आणि माझं आणि त्यानंतर दोघेही एका लाँग डिस्टन्स नात्यात आले. तर नीतिभाच्या कामाबद्दल सांगायचे झाल्यास, नीतिभा कौल बिग बॉसच्या १०व्या पर्वात स्पर्धक म्हणून दिसली होती. तर सध्या ती एक लाईफस्टाईल आणि ब्युटी कंटेंट क्रिएटर आहे. (Nitibha Kaul Enagaged)
