टेलिव्हिजनवरील लोकप्रिय कार्यक्रम ‘खतरो के खिलाडी’चे नवीन पर्व नुकतेच प्रेक्षकांच्या भेटीला आले आहे. सध्या या कार्यक्रमाचे १४ वे पर्व सुरु आहे. २००८ साली हा कार्यक्रम प्रेक्षकांच्या भेटीस आला होता. पहिल्या पर्वाचे सूत्रसंचलल खिलाडी अक्षय कुमारने केले होते. त्यानंतर प्रियंका चोप्रा, अनिल कपूर व रोहित शेट्टी यांनी केले. सध्या सूत्रसंचालनाची धुरा रोहित सांभाळत आहे. आतापर्यंत या कार्यक्रमाच्या माध्यमातून भांडणे, अपघात असे अनेक व्हिडीओ व्हायरल होत होते. आता पुन्हा एकदा या शोची क्लिप समोर आली आहे. (shalin bhanot update)
‘खतरो के खिलाडी’च्या १४ व्या पर्वामध्ये सुमोना चक्रवर्ती, करणवीर मेहरा, अदिती शर्मा, शालीन भानोत, अभिषेक कुमार असे अनेक कलाकार सहभागी झाले आहेत. अशातच आता स्पर्धक शालीन भानोतचा एक व्हिडीओ समोर आला आहे. या व्हिडीओमध्ये शालीनच्या चेहऱ्याला पूर्णपणे सूज आलेली दिसून येत आहे. तसेच त्याचं चेहरा पाहून अनेकांनी त्याची मस्करीदेखील केली आहे.
दरम्यान शालीनचा व्हिडीओ समोर आला आहे त्यामध्ये एक धक्कादायक बातमी समोर आली आहे. खेळ खेळताना शालीनला तब्बल २०० विंचवांनी चावा घेतला आहे. हा व्हिडीओ अभिषेकने शूट केला असून तो या व्हिडीओमध्ये बोलत आहे की, “बघा हे काय झालं?”, त्याला नंतर अभिषेक विचारतो की, “हे कोणी केलं?”, त्यावर शालीन उत्तर देतो की, “मला विंचू चावले”.
शालीनचा व्हिडीओ समोर आल्यानंतर चाहत्यांनी चिंता व्यक्त केली आहे. एका नेटकऱ्याने लिहिले आहे की, “हे सगळं तुम्ही तुमच्यासाठी करत आहात, दुसऱ्यांसाठी नाही”. दुसऱ्या नेटकऱ्याने लिहिले आहे की, “याचे तुला पैसे मिळत आहेत त्यामध्ये आम्हाला काय मिळणार?”, तसेच अजून एकाने लिहिले की, “शालीन, स्वतःची काळजी घे, तू खूप चांगला आहेस”.
