पापाराझी हा नवा प्रकार गेल्या काही काळापासून बी-टाऊनमध्ये अधिक रुजू झाला. विविध ठिकाणी सेलिब्रिटींना स्पॉट करणं हे पापाराझींचं काम. मात्र बऱ्याचदा कलाकार त्यांच्या खासगी कामासाठी जातात, अंत्यसंस्कारासाठी जातात आणि तिथेही पापाराझी त्यांना घेरतात. हे काही कलाकारांना खटकतं. काजोललाही पापाराझींचं वागणं पटत नाही. बऱ्याचदा ती कॅमेऱ्यासमोर चिडलेलीच दिसते. अशावेळी काजोलची तुलना जया बच्चन यांच्याशी केली जाते. मात्र कॅमेऱ्यासमोर ती का चिडते? याचं खरं कारण आता समोर आलं आहे. काजोलनेच एका मुलाखतीदरम्यान याबाबत भाष्य केलं आहे. तसेच पापाराझींवरचा राग व्यक्त केला. (Kajol talk about paparazzi)
काजोलने झूमशी संवाद साधताना कॅमेऱ्यासमोर रागात का बोलते? याबाबत भाष्य केलं. काजोल म्हणाली, “मी तुम्हाला घाबरवते असं तुम्हाला वाटत असेल तर याने काहीच फरक पडत नाही. कृपया ‘माँ’ चित्रपट बघा. यामध्ये सगळं काही दाखवलं आहे. पापाराझी फोटोग्राफर्सविषयीही सांगितलं आहे. तुम्ही काय बोलता? याची फोटोग्राफर्स वाटच पाहत असतात. तुम्ही काहीतरी करण्यास, बोलण्यास प्रवृत्त व्हावं म्हणून ते सतत तुम्हाला काही ना काही बोलतात. सतत ओरडू नका. ऐका शांत व्हा असं फोटोग्राफर्सना सांगण्याची वेळ येते. चांगले फोटो व व्हिडीओ शूट करण्यासाठी ओरडण्याची काही गरज नसते हे तुम्हालाही माहीत आहे”.
आणखी वाचा – “कोणाचं घर तोडायला प्रेम केलं नाही”, अरुणा इराणी यांचं लग्नाबाबत भाष्य, म्हणाल्या, “तुमचा नवरा…”
पुढे काजोल म्हणाली, “फक्त फोटो व व्हिडीओ शूट करण्यासाठीच पापाराझी नसतात. जर सेलिब्रिटी काही बोलले तर त्यांची एक टॅगलाइन तयार होते. नकारात्मक टॅगलाइनही त्यांना द्यायची असते. याबाबतच हे सगळं आहे”. काजोलने खरी परिस्थिती अगदी स्पष्ट शब्दांमध्ये सांगितली. मध्यंतरी बॉलिवूड बबलला दिलेल्या मुलाखतीत अंतिम संस्कारालाही पापाराझी फोटोग्राफर्स येण्याबाबत काजोलने भाष्य केलं होतं.
आणखी वाचा – आजारपणातही ‘ठरलं तर मग’ फेम अमित भानुशाली करतोय शूट, १०२ ताप अन्…; स्वतःच सांगितली परिस्थिती
काजोल म्हणालेली, “पापाराझींबाबत माझे थोडे वेगळे विचार आहेत. मसा असं वाटतं की, काही जागा अशा आहेत की, जिथे त्यांनी येणं चुकीचं आहे. अंतिम संस्कारालाही कलाकारांच्या मागे मागे पळणंही मला चुकीचं वाटतं. एखाद्याचा अपमान केल्यासारखं मला हा प्रकार वाटतो. तुम्ही बाहेर जेवणासाठीही जाऊ शकत नाही हेच मला विचित्र वाटतं”. काजोलने अगदी स्पष्टपणे पापाराझींबाबत असलेली अडचण सांगितली.
