Ankita Walawalkar Vaari Special : आषाढ सुरु होताच ओढ लागते ती वारीची. वर्षभर ही भक्तमंडळी या वारीची आतुरतेने वाट पाहत असतात. विठुरायाच्या चरणी नतमस्तक होण्यासाठी ही भक्तमंडळी अगदी पायी पायी पंढरपूरच्या वारीत सहभागी होतात. पंढरपूरला जात पांडुरंगाचे दर्शन घ्यावे ही भावना मनोमनी बाळगून हे भक्त हातात टाळ, मृदूंग घेऊन वाटेने जातात. काहीजण विठूनामाचा भजनात कीर्तन करत पंढरपूरची यात्रा करतात. वारीचा हा सोहळा अनेकजण नेत्रसुख घेत अनुभवतात. यंदाच्या या वारीत अनेक कलाकार मंडळी सहभागी झालेले पाहायला मिळाले. आणि या कलाकार मंडळींनी तर या वारीला चारचाँद लावले.
यंदाच्या या वारीमध्ये कलाकार मंडळी वारकऱ्यांच्या सेवेत रुजू झालेले दिसले. अनेक कलाकारांनी स्वतःच्या हाताने अगदी मनोभावे त्यांची सेवा केली. अशातच सोशल मीडिया इन्फ्लुएन्सर अंकिता वालावलकरही या विठुरायाच्या वारीत तल्लीन झालेली पाहायला मिळाली. सोशल मीडियावर व्हिडीओ शेअर करत तिने या वारीतील आनंद शेअर केला आहे. या वारीत अंकिता एकटीच नाहीतर तिच्या पतीसह म्हणजेच कुणालबरोबर सहभागी झाली.
आणखी वाचा – आजारपणातही ‘ठरलं तर मग’ फेम अमित भानुशाली करतोय शूट, १०२ ताप अन्…; स्वतःच सांगितली परिस्थिती
अंकिताने या वारीदरम्यान भक्तांची सेवाही केली. स्वतःच्या हाताने तिने भक्तांच्या पंक्तीत जेवण वाढले, यावेळी अनेक तिच्या चाहते भक्तही तिला प्रेम देताना दिसले. शिवाय अभिनेते आदेश बांदेकर यांच्यासह अंकिता व कुणाल भजनात दंग झालेलेही दिसले. या वारीसोहळ्यातील अंकिताच्या लूकने साऱ्यांचं लक्ष वेधून घेतलं. अंकिताने यावेळी कॉटनची साडी नेसली होती, आणि तिच्या ब्लाउजवरील विठू नामाच्या डिझाईनने साऱ्यांचं लक्ष वेधलं.
आणखी वाचा – “कोणाचं घर तोडायला प्रेम केलं नाही”, अरुणा इराणी यांचं लग्नाबाबत भाष्य, म्हणाल्या, “तुमचा नवरा…”
‘बिग बॉस मराठी’मुळे अंकिता वालावलकर घराघरांत पोहोचली. सोशल मीडिया इन्फ्लुएन्सर म्हणून अंकिता सोशल मीडियावर लोकप्रिय आहे. तिचे मालवणी आणि कोकणी भाषेतील व्हिडीओ अनेकांच्या पसंतीस पडतात. शिवाय सिंधुद्योग नावाने तिचा स्वतःचा मालवणी खाद्यपदार्थांचा ब्रँडही आहे. अंकिता तिच्या लग्नामुळे चर्चेत आलेली पाहायला मिळाली. अंकिताच्या शाही विवाहसोहळ्याने साऱ्यांचं लक्ष वेधून घेतलं.
