जगभरातील सुप्रसिद्ध गायकांच्या यादीमध्ये आशा भोसले यांचं नाव आदराने घेतलं जातं. आशा भोसले यांनी चित्रपटसृष्टीला दिलेलं योगदान मोठं आहे. आजही त्यांनी गायलेली गाणी ऐकली की, एक वेगळाच आनंद मिळतो. सातासमुद्रापलिकडे त्यांचा चाहतावर्ग आहे. आशा भोसले सध्या एका वेगळ्याच कारणामुळे चर्चेत आहेत. दुबईमध्ये त्यांचं एक कॉन्सर्ट होणार आहे. याचसंदर्भात त्यांनी घेतलेल्या पत्रकार परिषदेमध्ये केलेलं भाष्य सध्या चर्चेचा विषय ठरत आहे.
आशा भोसले यांच्याकडे पाहिलं की, एक नवी उर्जा मिळते. या वयातही त्या परदेशात कॉन्सर्ट करत आहे. त्यांची काम करण्याची इच्छा व कलेप्रती असणारं प्रेम खरंच कौतुकास्पद आहे. नुकत्याच पार पडलेल्या पत्रकार परिषदेमध्ये आशा भोसले अगदी भरभरुन बोलत होत्या. यावेळी त्यांनी चित्रपसृष्टीबाबत काही विधाने केली. याचीच चर्चा रंगत आहे.
चित्रपटसृष्टीमधील अनुभवाबाबत आशा भोसले बोलत होत्या. यावेळी त्या म्हणाल्या, “वयाच्या १०व्या वर्षापासून मी गाणं गात आहे. १९४६ पासून मी मुंबईमध्ये हिंदी गाणी गाण्यास सुरुवात केली. सगळ्या गोष्टी मला आठवत असतात. जुने लोक, कलाकार, संगीत दिग्दर्शक यांच्या आठवणी माझ्या मनात आहेत”.
आणखी वाचा – “आई-वडिलांचा घटस्फोट झाला अन्…”, आमिर खानच्या लेकीचा आजारपणाबाबत मोठा खुलासा, म्हणाली, “माझ्या आजारासाठी ”
“चित्रपटसृष्टीचा संपूर्ण इतिहास आज फक्त मलाच माहित आहे. सगळ्यांच्या आयुष्याबाबतही मला माहिती आहे. दिग्दर्शक, कलाकार, गायक या सगळ्यांबाबत माहिती माझ्याकडे आहे. याबाबत जर मी बोलायला लागले तर तीन ते चार दिवस लागतील. इतक्या गोष्टी माझ्याकडे आहेत. प्रत्येक गोष्ट माझ्या मनात आहे. मी कोणतीच गोष्ट विसरलेले नाही. मी या चित्रपटसृष्टीची शेवटची मुघल आहे”. आशा भोसले यांनी केलेलं वक्तव्य आणि त्यादरम्यानचा व्हिडीओ सध्या सोशल मीडियावर व्हायरल होत आहे.