प्रेमाची व्याख्या नक्की काय? हे शब्दांत मांडणं अगदी कठीण. पण प्रेम नक्की दिसतं कसं? हे हिना खान व तिचा जोडीदार रॉकी जैस्वालला पाहिल्यानंतर लक्षात येतं. यामागचं कारणही तितकंच खास आहे. हिना व रॉकीने नुकतंच लग्न करत सगळ्यांनाच सुखद धक्का दिला. हिनाने तिच्या बॉयफ्रेंडसह लग्न केलं तर त्यात विशेष काय? असा प्रश्न अनेकांच्या मनात डोकावला असेल. मात्र यामध्ये खूप काही दडलेलं आहे. हिना गेल्या काही काळापासून कॅन्सरशी दोन हात करत आहे. तिला तिसऱ्या टप्प्यातील स्तनाचा कॅन्सर झाला असल्याचं समोर आलं. अशा परिस्थितीत रॉकीने तिच्याशी लग्न करण्याचा निर्णय घेतला हे विशेष. जोडीदार कठीण परिस्थितीत असताना, कॅन्सरसारख्या गंभीर आजाराशी लढा देत असताना लग्न करणं म्हणजे रॉकीने घेतलेला हा महत्त्वपूर्ण निर्णय आहे. (Hina Khan Wedding)
हिना व रॉकीने बुधवारी (४ जून) रात्री सोशल मीडिया अकाऊंटद्वारे पोस्ट शेअर करत लग्नाची गोड बातमी दिली. अगदी साध्या पद्धतीने मोजक्याच लोकांच्या उपस्थितीत हिना व रॉकीने लग्नगाठ बांधली. लग्नाचे फोटो समोर येताच सगळ्यांना आश्चर्याचा धक्काच बसला. याआधी दोघांनीही लग्नाबाबत कोणतीच माहिती दिली नव्हती. हिना व रॉकीने अचानक लग्न करण्याचा निर्णय नक्की का घेतला? हे काही दिवसांमध्ये समोर येईलच. पण कठीण काळामध्ये एकमेकांना मिळणारी साथ खरंच मोलाची ठरली आहे.
हिनाने लग्नासाठी ओपल हिरव्या रंगाची साडी परिधान केली होती. मनीष मल्होत्राने डिझाइन केलेल्या साडीची तिने निवड केली. सोनेरी आणि चंदेरी धाग्यांनी या साडीचं डिझाइन करण्यात आलं होतं. साडीची किनार हलक्या गुलाबी रंगाने सजवली होती. ब्लाऊजही अगदी हलक्या गुलाबी रंगाचा होता. त्यावर सुंदर वर्क करण्यात आलं होतं. त्यामुळे हिनाचा लूक आणखीनच उठून दिसत होता. तर साडीवर ८ अंक लिहिलण्यात आला होता. याचा अर्थ इनफिनिटी. इनफिनिटीचं हे साइन होतं. आयुष्यभर अशीच एकमेकांची साथ देऊया सांगणारी ही डिझाइन होती.
आणखी वाचा – दीपिका कक्करची कॅन्सरवर मात, १४ तास सुरु होती शस्त्रक्रिया, नवऱ्याने दिली अपडेट, म्हणाला, “आता आयसीयूमध्ये…”
तसेच हिनाने साडीवर परिधान केलेली गुलाबी रंगाची शाल अधिक लक्षवेधी ठरत होती. हिनाने साडीवर परिधान केलेल दागिने, हातावरील मेहंदी अधिक आकर्षक होती. तर रॉकीने मनिष मल्होत्रानेच डिझाइन केलेला त्याचा सिग्नेचर कुर्ता परिधान केला होता. ज्याच्यावर अगदी सुंदर वर्क करण्यात आलं होतं. त्यावर मॅचिंग स्टॉल रॉकीने घेतलं होतं. हिना व रॉकीची जोडी अगदी परफेक्ट दिसत होती. गेल्या ११ वर्षांपासून हिना व रॉकी एकमेकांना डेट करत आहेत. हिनाच्या वडिलांचं निधन झालं तेव्हाही तो तिच्याबरोबर हिंमतीने उभा होता. आता आजारपणातही हिनाची तो वेळोवेळी सेवा करत आहे.
