बॉलिवूड अभिनेता आमिर खान हा सध्या त्याच्या वैवाहिक जीवनामुळे अधिक चर्चेत असतो. पत्नी किरण राव व आमिर एकमेकांच्या संगनमताने विभक्त झाले. त्यानंतर दोघंही अनेकदा एकत्र माध्यमांसमोर आले आहेत. आमिरची मुलगी आयराच्या लग्नामध्येही दोघं एकत्र स्पॉट झाले होते. नुकताच आमिरच्या प्रोडक्शन हाऊसची निर्मिती असलेला आणि किरण रावने दिग्दर्शित केलेला ‘लापता लेडीज’ हा चित्रपट प्रदर्शित झाला. खासगी आयुष्यात दोघंही वेगळे झाले असले तरीही व्यावसायिक आयुष्यात मात्र अजूनही एकत्र काम करत आहेत.पण सध्या आमिर एका वेगळ्याच कारणामुळे चर्चेत आला आहे. (Actor Amir khan new look)
२०१८ मध्ये आलेल्या ‘ठग्स ऑफ हिंदुस्थान’ या चित्रपटामध्ये शेवटचा दिसला होता. मात्र नंतर त्याने कोणत्याही चित्रपटामध्ये काम केले नाही.पण चाहते त्याच्या नवीन चित्रपटाच्या प्रतिक्षेत आहेत.अशातच आमिरचे काही विचित्र फोटो व्हायरल झाले आहेत. यावरुन आता अनेक चर्चा सुरू झाल्या आहेत. या फोटोमध्ये त्याच्याबरोबर ‘तारे जमीन पर’मधील बालकलाकार दर्शील सफारीदेखील दिसून येत आहे. दोघेही तब्बल १६ वर्षांनी एकत्र काम करत आहेत. त्यामुळे त्यांच्या येणाऱ्या ‘सितारे जमीन पर’ बद्दलची उत्सुकता अधिक वाढली आहे. आमिरने गेल्या काही दिवसांपूर्वी ‘सितारे जमीन पर’ चित्रपट बनवणार असल्याची घोषणा केली होती. हा चित्रपट ‘तारे जमीन पर’ या चित्रपटाशी मिळती जुळती असेल पण सिक्वल नसेल असेही सांगितले होते.
सोशल मीडियावर व्हायरल झालेल्या फोटोमध्ये आमिरच्या हातात काहीतरी आहे. पण त्याचा लूक विचित्र आहे. त्याचे केस मोठे आणि विस्कटलेले आहेत तर चेहरादेखील खूप खराब आहे. त्याचे दातदेखील काळे व घाणेरडे दिसत आहेत. काही दिवसांपूर्वी दर्शीलनेही आमिरबरोबरचा एक फोटो पोस्ट केला होता. पण हा कोणत्याही चित्रपटाचा सीन नसून एका जाहिरातीचा सीन असू शकतो अशी शक्यता अनेकांनी वर्तवली.
नुकताच आमिर मुकेश अंबानी व नीता अंबानी यांचा धाकटा मुलगा अनंत अंबानी व राधिका मर्चंटच्या लग्नाआधीच्या कार्यक्रमामध्ये दिसला होता. यामध्ये आमिरने सलमान खान, शाहरुख खान यांच्याबरोबर डान्सही करताना दिसला होता.