Bigg Boss Marathi 6: बिग बॉस मराठीचा सहाव्या पर्वाची गेल्या अनेक दिवसांपासून चर्चा सुरु होती. बिग बॉस मराठीचं सहावं पर्व कधी येणार याबाबत प्रेक्षकांमध्ये प्रचंड उत्सुकता होती. अखेर आता याबाबत माहिती समोर आली असून बिग बॉस मराठी ६ येत्या ११ जानेवारीपासून प्रेक्षकांच्या भेटीला येणार आहे. अभिनेता रितेश देशमुख यावेळीही सूत्रसंचालनाची धुरा सांभाळणार आहे. शो सुरू होण्यास अजून 6 दिवस बाकी असतानाच, घरात कोणते चेहरे पाहायला मिळणार याबाबत जोरदार चर्चा सुरू झाली आहे. तर यंदाच्या पर्वात केवळ कलाकारच नव्हे, तर सोशल मीडिया विश्वातील लोकप्रिय चेहरे, लावणी नृत्यांगना आणि राजकीय पार्श्वभूमी असलेले सेलिब्रिटीही सहभागी होण्याची शक्यता वर्तवली जात आहे.
तर बिग बॉस मराठीच्या नव्या पर्वात ‘चला हवा येऊ द्या’ या कार्यक्रमाच्या माध्यमातून प्रेक्षकांना खळखळून हसवणारा अभिनेता सागर कारंडे दिसण्याची शक्यता आहे. अभिनेत्री, नृत्यांगना दीपाली सय्यद, अनुश्री माने, अभिनेता संकेत पाठक, लावणी नृत्यांगना राधा मुंबईकर आणि अभिनेत्री रसिका जमसुतकर यांची नावं समोर आली आहेत. याशिवाय बिग बॉसच्या नव्या पर्वात कोणकोणते स्पर्धक पाहायला मिळणार याबद्दल अधिकृत माहिती समोर आलेली नाही. (Bigg Boss Marathi 6)
दरम्यान, बिग बॉस मराठी 5 मध्ये सूरज चव्हाण याने विजेतेपद पटकावले होते. गायक अभिजीत सावंत या स्पर्धेचा उपविजेता ठरला होता. आता बिग बॉस मराठी 6 मध्ये कोण प्रेक्षकांच्या पसंतीस उतरणार आणि कोण खेळावर अधिराज्य गाजवणार, याकडे सगळ्यांचे लक्ष लागले आहे. (Bigg Boss Marathi 6)
