मराठी मनोरंजन सृष्टीतला ‘स्टाईल आयकॉन’ म्हणून ओळखला जाणारा अभिनेता म्हणजे अंकुश चौधरी. मराठी मनोरंजन सृष्टमधील सध्याच्या काही आघाडीच्या अभिनेत्यांमध्ये अंकुश हा अग्रक्रमी आहे. महाराष्ट्राच्या लाडक्या सुपरस्टारचा आज वाढदिवस आहे. त्यामुळे मनोरंजनसृष्टीतील अनेक कलाकारांसह त्याच्या लाखों चाहत्यांकडूनही त्याच्यावर शुभेच्छांचा वर्षाव होत आहे. अंकुशला त्याचे तमाम चाहते आज सकाळपासून वाढदिवसानिमित्त शुभेच्छा देत आहेत. अशातच अंकुशची बायको व अभिनेत्री दीपा चौधरी हिनेही लाडक्या नवऱ्याला वाढदिवसानिमित्त शुभेच्छा दिल्या आहेत. दीपाने अंकुशसाठी खास रोमँटीक पोस्ट लिहून त्याला वाढदिवसाच्या शुभेच्छा दिल्या आहेत. (Deepa Chaudhary On Instagram)
दीपाने सोशल मीडियावर अंकुशबरोबरचा एक खास फोटो पोस्ट केला आहे आणि या फोटोखाली तिने कॅप्शनमध्ये असे म्हटले आहे की, “हा दिवस माझ्या आयुष्यातील खूपच खास दिवस आहे. कारण या दिवसामुळे माझ्या आयुष्यात दोन सर्वात खास घटना घडल्या आहेत. आज तुझा वाढदिवसही आहे आणि आजच्याच दिवशी आपण लग्नदेखील केले.” यापुढे तिने “वाढदिवसानिमित्त शुभेच्छा अहो” आणि “लग्नाच्या वाढदिवसानिमित्तही शुभेच्छा” असं म्हटलं आहे.
अंकुशची पत्नी दीपा हीदेखील एक उत्तम अभिनेत्री आहे. गेल्या वर्षात दीपाचा ‘बाईपण भारी देवा’ हा चित्रपट चांगलाच गाजला. या चित्रपटातून दीपाचे सर्वत्र कौतुक करण्यात आले. त्याचबरोबर ‘तू चाल पुढं’ या मालिकेतून तिने छोट्या पडद्यावर पुनरागमन केले होते. नुकताच या मालिकेने प्रेक्षकांचा निरोप घेतला. तर अंकुशचाही ‘महाराष्ट्र शाहीर’ हा चित्रपट येऊन गेला. यात अंकुशने शाहीर साबळे यांची भूमिका साकारली होती.
अंकुशचा वाढदिवस व अंकुश-दीपा यांच्या लग्नाचा वाढदिवस हा एकाच दिवशी असल्याने मराठी मनोरंजन क्षेत्रातील अनेक कलाकारांनी या दोघांना कमेंट करून शुभेच्छा दिल्या आहेत. दीपाने शेअर केलेल्या या फोटोलाही चाहत्यांनी लाईक्स व कमेंट्सद्वारे चांगलाच प्रतिसाद दिला आहे. अंकुशच्या अनेक चाहते मंडळींनी त्याच्यावर वाढदिवसानिमित्त शुभेच्छांचा वर्षाव केला आहे. तसेच अंकुश व दीपा यांना त्यांच्या लग्नाच्या वाढदिवसानिमित्तदेखील शुभेच्छा दिल्या आहेत.
