‘कलर्स मराठी’ वाहिनीवरील सर्वच मालिका प्रेक्षकांच्या नेहमीच पसंतीस पडतात. या मालिका टीआरपीच्या शर्यतीतही अव्वल स्थानावर असलेल्या पाहायला मिळतात. अशातच या वाहिनीवरील एका मालिकेची सध्या जोरदार चर्चा सुरु आहे. ही मालिका म्हणजे ‘रमा राघव’. ‘रमा राघव’ ही मालिका अल्पावधीतच प्रेक्षकांच्या पसंतीस पडली. या मालिकेत आलेले ट्विस्ट रसिक प्रेक्षकांची मन जिंकत आहेत. सध्या या मालिकेत लग्नाचे सीन पाहायला मिळत आहेत. रमा-राघव यांच्या लग्नाची सध्या जोरदार चर्चा सुरु असलेली पाहायला मिळत आहे. (Rama Raghav Wedding)
रमा-राघव यांच्या लग्नाची सध्या जोरदार चर्चा सुरु आहे. मेहंदी, संगीत, हळद या कार्यक्रमांचे चित्रीकरण मालिकेत झाले असल्याचं पाहायला मिळत आहे. तर रमा-राघव यांच्या लग्नाचाही एक प्रोमो नुकताच समोर आला आहे. या प्रोमोने सगळ्यांचं लक्ष वेधून घेतलं आहे. ‘रमा-राघव’चे लग्न लवकरात लवकर व्हावे ही तमाम प्रेक्षकांची इच्छा होती, अखेर प्रेक्षकांची ही इच्छा पूर्ण होणार आहे. गेले कित्येक दिवस प्रेक्षक वर्ग रमा राघव यांचं लग्न व्हावे अशी आशा व्यक्त करत होते.
अखेर वडीलधाऱ्यांच्या उपस्थितीत मालिकेत रमा-राघव यांचा लग्न लागतानाचा एक व्हिडीओ सध्या सोशल मीडियावर व्हायरल होत आहे. या व्हिडीओमधील रमा-राघव यांच्या लूकने साऱ्यांचं लक्ष वेधून घेतलं आहे. विधिवत होणाऱ्या या लग्नात नववधूवरांचा पेशवाई लूक खूपच खास असल्याचं दिसत आहे. पारंपरिक पोशाख, दागिने यांनी सजलेल्या या सोहळ्यात रमाचे ‘रमा-राघव’ असे नाव असलेले मंगळसूत्र हे त्याच्या या वेगळेपणामुळे चर्चेत आले आहे.
रमाचा या मालिकेतील मराठमोळा लूक साऱ्यांच्या पसंतीस पडला आहे. पुरोहित व परांजपे कुटुंबात सध्या आनंदच वातावरण पाहायला मिळत आहे. रमा-राघव यांचा लग्नसोहळा ज्या जल्लोषात पार पडला असून दोघांच्या आयुष्यातील नवी सुरुवात मालिकेत पाहणं प्रेक्षकांना रंजक ठरणार आहे.
