बॉलीवूड बादशाह शाहरुख खान व पत्नी गौरी खान ही लोकप्रिय जोडी आहे. शाहरुखने आजवर मालिका व चित्रपटांमध्ये काम केले आहे. १९९१ साली गौरी व शाहरुख लग्नबांधनात अडकले. शाहरुख मुसलमान व गौरी हिंदू असल्याने त्यांचे लग्न अधिक चर्चेत राहिले. पण गौरी व शाहरुखने या चर्चांवर कधीही कोणतीही प्रतिक्रिया दिली नाही. चाहत्यांनी अनेक प्रश्न देखील निर्माण केले. पण कामामध्ये शाहरुखने कामामध्ये कधीही आपले वैयक्तिक आयुष्य येऊ दिले नाही तसेच त्यावर भाष्यदेखील केले नाही. अशातच आता त्याची पत्नी गौरीचं वक्तव्य सोशल मीडियावर व्हायरल होत आहे. (gauri khan on religion)
गौरी ‘कॉफी विथ करण’च्या एका एपिसोडमध्ये सहभागी झाली होती. त्यावेळी ती कधीही मुस्लिम धर्म स्वीकारणार नाही असे म्हणाली होती. तसेच या सगळ्याला शाहरुखचा पाठिंबा असून तो नेहमी समजून घेत असल्याचेदेखील तिने सांगितले होते. हा व्हिडीओ २००५ सालचा आहे. यावेळी तिच्याबरोबर अभिनेता हृतिक रोशन व त्याची पत्नी सुजॅन खानदेखील उपस्थित होती.
यावेळी गौरीने तिच्या लग्नाबद्दल सांगितले. गौरी व शाहरुखच्या लग्नाला गौरीच्या घरच्यांचा विरोध होता. शाहरुख मुसलमान असल्याने घरचे लग्नासाठी तयार नव्हते. पण लग्नानंतर गौरीच्या घरच्यांनी त्यांचे नाते स्वीकारले. आर्यन, सुहाना व अबराम अशी त्यांना तीन मुलं आहेत. दरम्यान शोमध्ये गौरीने सांगितले की, “आर्यन शाहरुखचा खूप आदर करतो. त्यांच्याच धर्माचं पालन करतो. तो नेहमी मुसलमान असल्याचे सांगतो. मीदेखील शाहरुखचा आदर करते. पण मी माझा धर्म बदलणार नाही. पण कोणीही कोणाच्या धर्माचा अपमान करु नये. शाहरुखदेखील माझ्या धर्माचा कधीही अपमान करत नाही”.
काही दिवसांपूर्वी शाहरुख ‘डान्स प्लस ५’मध्ये गेला होता. तेव्हा तिथे तो म्हणाला की, “गौरी व मी कधीही हिंदू-मुसलमान अशी चर्चा केली नाही. माझी बायको हिंदू आहे तर मी मुसलमान आहे. पण आमची मुलं मात्र हिंदुस्तानी आहेत”. त्याच्या या वक्तव्यावर सोशल मीडियावर मोठ्या प्रमाणात चर्चा झाली होती. तसेच अनेकांनी त्याचे कौतुकदेखील केले होते.