मराठा समाजाला आरक्षण मिळावं यासाठी मागील काही महिन्यांपासून लढा देणारे मनोज जरांगे पाटील चर्चेत असलेले पाहायला मिळाले. अन्न, पाणी वर्ज्य करत बेमुदत ते केवळ समाजाच्या हक्कासाठी लढत राहिले. मराठ्यांना आरक्षण मिळत नाही तोपर्यंत जागेवरून हलणार नाही हा त्यांचा पण आहे. आंदोलनादरम्यान प्रकृती ढासळली, त्यांना उभंही राहता येत नव्हतं. मात्र अशा या कठीण परिस्थितीत ते न डगमगता ते कायम मराठ्यांच्या हक्कासाठी लढत राहिले. (makarand deshpande new movie)
अशातच या महान व्यक्तिमत्त्वावर आधारित एक नवाकोरा चित्रपट मोठ्या पडद्यावर येण्यास सज्ज होतं आहे. ‘आम्ही जरांगे गरजवंत मराठ्यांचा लढा’ हा नवा चित्रपट लवकरच रसिक प्रेक्षकांच्या भेटीस येण्यास सज्ज झाला आहे. नुकताच या चित्रपटाचा टिझर समोर आला आहे. या टीझरने साऱ्यांचं लक्ष वेधलं आहे. “कर्म मराठा, धर्म मराठा. मराठ्यांचा नवीन सरदार”, या संवादाने सुरु झालेल्या टीझरने साऱ्यांचं लक्ष वेधलं आहे. या चित्रपटात मनोज जरांगे पाटील यांची भूमिका अभिनेते मकरंद देशपांडे यांनी साकारली आहे.
मकरंद देशपांडे हे रंगभूमी तसेच रुपेरी पडद्यावरील नावाजलेले कलाकार आहेत. याशिवाय त्यांनी लेखक, दिग्दर्शक अशा अनेक भूमिका पेलवल्या आहेत. आजवर त्यांनी अनेक मराठी चित्रपटांमधून महत्त्वपूर्ण भूमिका साकारत प्रेक्षकांची मन जिंकली. मराठीसह त्यांनी हिंदी, साऊथ चित्रपटसृष्टीतही भूमिका साकारली. यानंतर आता मकरंद एका नव्या चित्रपटातून मोठा पडदा गाजवण्यास सज्ज झाले आहेत.
मकरंद अनासपुरे हे ‘आम्ही जरांगे’ या चित्रपटात जरांगे पाटील यांची भूमिका साकारताना दिसत आहेत. नुकत्याच समोर आलेल्या टीझरमध्ये ते पाहायला मिळाले. अगदी हुबेहूब जरांगे पाटील यांसारखा वेष करत ते रस्त्यावर उतरून समाजसेवा करताना दिसले. गरजूंना मदत करताना दिसले. हा टिझर पाहून मकरंद यांना चित्रपटात पाहणं नक्कीच रंजक ठरणार आहे.
