Anurag Kashyap Controversy : ‘फुले’ चित्रपटाचा वाद झपाट्याने वाढत असताना नवं प्रकरण समोर आलं. सेन्सॉर बोर्डाने ‘फुले’मधील काही सीन्स वगळण्याचे आदेश दिले. त्यामुळे या चित्रपटाचे चित्रीकरण लांबणीवर गेलं. हा वाद पेटला असताना दिग्दर्शक अनुराग कश्यपने यामध्ये उडी घेतली. मात्र चित्रपटाचा वाद कमी होत अनुरागलाच सगळ्यांना टार्गेट केलं. यामागचं कारणंही तसंच होतं. ‘फुले’ विषयी बोलताना अनुरागने ब्राम्हण समाजावर भाष्य केलं. तसेच आक्षेपार्ह टिपणी केली. आता हा वाद आणखीनच पेटला आहे. ब्राम्हण समाज संतापला असताना त्याने जगजाहिर माफी मागितली आहे. अनुरागने त्याच्या वक्तव्यावर युटर्न घेतला आहे. (Anurag Kashyap Apology To Brahmin Community )
अनुराग कश्यप काय म्हणाला?
अनुराने इनस्टाग्राम अकाऊंटद्वारे स्टोरी शेअर करत माफी मागितली. तो म्हणाला, “रागात मी समोरच्या व्यक्तीला उत्तर देताना माझी मर्यादा विसरलो. संपूर्ण ब्राम्हण समाजालाच मी वाईट बोललो. त्या समाजातील लोक अजूनही माझ्या आयुष्यातल आहेत. माझ्या आयुष्यात त्यांचं योगदान मोठं आहे. आज ते सगळे माझ्यामुळे दुखावले आहेत. मी रागात ज्या पद्धतीने बोललो त्यामुळे ते दुखावले. पण मी सगळ्यांचा आदर करतो. बोलताना माझा मुद्दाच भरकटत गेला”.
पुढे तो म्हणाला, “मी मनापासून माफी मागतो. मला असं काही बोलायचं नव्हतं. पण एका व्यक्तीच्या विचित्र कमेंटला उत्तर देताना मी काहीही बोलून बसलो. त्यासाठी मी खरंच माफी मागतो. संपूर्ण समाज, मित्र-मंडळी, माझे कुटुंब यांचीही माफी मागतो. यापुढे असं काही घडणार नाही. यावर मी आता काम करेन. माझ्या रागावरही मी नियंत्रण ठेवण्याचा प्रयत्न करेन. मुद्द्याचं बोलायचं जरी असेल तरी मी योग्य त्याच भाषेमध्ये बोलेन. तुम्ही मला समजून माफ कराल अशी आशा आहे”.
आणखी वाचा – चुलत भावाबरोबर शारीरिक संबंध, घाणेरडं मासिक पाहून जे केलं…; सुप्रसिद्ध गायकाचे धक्कादायक खुलासे
नक्की प्रकरण काय?
अनुरागने ‘फुले’ चित्रपटाबाबत बोलताना एक पोस्ट शेअर केली होती. या पोस्टवर एकाने कमेंट केली. “ब्राम्हण तुमचा बाप आहे का?” अशी कमेंट होती. या कमेंटवर उत्तर देत अनुराग म्हणालेला, “ब्राम्हणांवर मी मुतणार, तुम्हाला काही त्रास?”. ही एक कमेंट सगळ्यांनी उचलून धरली. त्यानंतर अनुरागच्या लेकीलाही बलात्काराच्या धमक्या येऊ लागल्या. त्याच्या कुटुंबालाही धमक्यांच्या स्वरुपात घाबरवण्याचा प्रयत्न करण्यात आला. आता माफी मागितल्यानंतर तरी हे प्रकरण थंडावणार का? हे पाहावं लागेल.
