urmila matondkar ex husband nikaah : अभिनेत्री उर्मिला मातोंडकरचा पूर्वाश्रमीचा पती मोहसिन अख्तरने दुसरं लग्न केलं आहे. उर्मिलाबरोबरच्या घटस्फोटाच्या दोन वर्षांनी त्यांनी लग्न केले. निधा भट्ट असे वधूचे नाव आहे. मोहसीन अख्तरने सोशल मीडियावर निधासोबतचे निकाहचे सुंदर फोटो शेअर केले आहेत आणि एक भावनिक नोटही लिहिली आहे. मोहसीन अख्तरला त्याच्या आयुष्यात पुन्हा प्रेम मिळाले आणि यावर आनंद व्यक्त करणारी एक दीर्घ पोस्ट लिहिली. यामध्ये त्याने अल्लाह तसेच पत्नी निधा भट्टचे आभार मानले आहेत.
फोटोंसोबत उर्मिला मातोंडकरच्या पूर्वाश्रमीच्या पतीने लिहिले, “स्वच्छ हेतू, खरे प्रेम, संयम आणि कृतज्ञतेने भरलेले हृदय. आपला आत्मा शुद्ध ठेवा, पुढे जाताना स्वतःला बरे करा आणि अल्लाहने लिहिलेले नशीब नेहमीच चांगले असते यावर विश्वास ठेवा. योग्य वेळी, अल्लाहने मला माझ्या प्रिय पत्नी निधाच्या रूपात सत्याची भेट दिली आणि माझ्यावर आशीर्वादांचा वर्षाव केला. तू माझे जीवन प्रकाशाने भरलेस. म्हणून धन्यवाद माझ्या प्रेमा”. मोहसीनने पोस्टमध्ये पुढे लिहिले की, “आणि मौजी, त्या जगातून माझी काळजी घेतल्याबद्दल धन्यवाद. मला माहित आहे की हे रूप मला मिळाले आहे हे तुमच्या प्रार्थना आणि माझ्यावरील प्रेमाचे फळ आहे. आज मला माहित आहे की तुम्हाला आणखी आराम वाटत असेल. मला तुझी इतकी आठवण येते की मी कल्पनाही करू शकत नाही. मी तुझ्यावर खूप प्रेम करतो. तुमच्या प्रार्थनेत आम्हाला लक्षात ठेवा”.
आणखी वाचा – नवरा नाहीतर जुळणार का सासू-सूनेची पत्रिका?, ‘कप बशी’ चित्रपटाच्या ट्रेलरने वाढविली उत्सुकता
मोहसीन अख्तर आणि उर्मिला मातोंडकर बद्दल बोलायचे तर, २०१६ मध्ये त्यांचे लग्न झाले. मोहसीन एक काश्मिरी व्यापारी आणि व्यवसायाने मॉडेल आहे. मोहसीन उर्मिलापेक्षा ९ ते १० वर्षांनी लहान होता आणि त्यामुळे त्यांचे लग्न चर्चेत होते. उर्मिला मातोंडकरने मोहसीनसोबत लग्न केल्यामुळे तिने इस्लाम धर्म स्वीकारला होता, असा दावाही करण्यात आला होता. मात्र मोहसीनने ‘बूम लाइव्ह इन’ला दिलेल्या मुलाखतीत या गोष्टीचा इन्कार केला होता आणि म्हणाला होता की, “माझ्या पत्नीने इस्लाम धर्म स्वीकारला नाही. निवडणुकीपूर्वी असे दावे उधळणे ही एक सामान्य गोष्ट आहे आणि आम्हाला त्याची अजिबात पर्वा नाही”.
आणखी वाचा – संगममाऊली घाटावर रंगला ‘कृष्णाईच्या लेकी’चा आगळावेगळा शुभारंभ, नव्या मालिकेची उत्सुकता
त्याचवेळी लग्नाच्या ८ वर्षानंतर उर्मिला मातोंडकरने मोहसीन अख्तरपासून घटस्फोटासाठी न्यायालयात अर्ज दाखल केला होता. त्यांच्या घटस्फोटाचे कारण उघड झाले नाही, परंतु काही अहवालांमध्ये असे म्हटले आहे की हे परस्पर संमतीने झाले नव्हते आणि दोघेही बराच काळ एकत्र राहत नव्हते. उर्मिला आणि मोहसीन यांनी कधीही त्यांच्या घटस्फोटाबद्दल उघडपणे बोलले नाही किंवा अधिकृतपणे काहीही सांगितले नाही.
