नुकताच टी-२० विश्वचषक पार पडला. भारताने या विश्वचषकावर आपले नाव कोरले असून जगभरातून भारतीय संघाचे कौतुक केले जात आहे. संघातील प्रत्येक खेळाडूने या विश्वचषकामध्ये मेहनत घेतली आणि याचे फळ म्हणजे प्रत्येक भारतीयाची मान उंचावली गेली आहे. विराट कोहली हा या संघातील एक महत्त्वाचा खेळाडू आहे. २००८ साली त्याने भारतीय संघातून खेळण्यास सुरुवात केली.सध्याच्या घडीला तो सर्वाधिक कमाई करणारा क्रिकेटपटू म्हणूनही ओळखला जातो. त्याने बॉलिवूड अभिनेत्री अनुष्का शर्माबरोबर २०१७ साली लग्नगाठ बांधली. त्यांना एक मुलगा व एक मुलगी अशी दोन मुलं आहेत. (anushka sharma and virat kohli networth)
विराट व अनुष्का ही लोकप्रिय जोडी आहे. त्यांनी ११ डिसेंबर २०१७ रोजी इटलीमध्ये लग्न केले. ‘जिक्यु रिपोर्ट’नुसार भारतातील सर्वात श्रीमंत जोडप्यांमध्ये त्यांचा समावेश होतो. त्यांच्या उत्पन्नाचा आकडा समोर आला असून त्यांची मुलंदेखील श्रीमंत स्टारकिड्स असल्याचे म्हंटले जात आहे.
‘डीनए’च्या रिपोर्टनुसार, अनुष्का बॉलीवूड अभिनेत्री असल्याने एका चित्रपटासाठी तब्बल ७ कोटी रुपये मानधन घेते. ‘रब ने बनादी जोडी’ या चित्रपटातून तिने चित्रपटसृष्टीमध्ये पाऊल ठेवले. त्यानंतर ती अधिक प्रकाशझोतात आली. अनेक ब्रॅंड्स व जाहिरातीच्या माध्यमातून ती सुमारे ५ कोटी ते १० कोटी रुपयांपर्यंत कमाई करते. तसेच एका इन्स्टाग्राम पोस्टसाठी ती ९५ लाख रुपये घेते अशीही माहिती मिळाली आहे. तसेच तिचा एक कपड्यांचा ब्रॅंड अडून त्यातूनही तिची कमाई होते.
विराटच्या उत्पन्नाबद्दल बोलायचे झाले तर तो आंतरराष्ट्रीय क्रिकेटच्या माध्यमातून बीसीसीआयबरोबर ग्रेड ए+ म्हणून वर्षाला ७ कोटी रुपये कमावतो. तसेच टेस्ट क्रिकेटसाठी १५ लाख रुपये, वनडे साठी ६ लाख रुपये व टी २० साठी ३ लाख रुपये मानधन घेतो. तसेच आयपीएलमध्येही तो रॉयल चॅलेंजर्स बंगलोरबरोबर खेळत असून प्रत्येक सीजनला तो १५ कोटी रुपये कमावतो.
खेळाबरोबरच विराट अनेक ब्रॅंड्सचा चेहरादेखील आहे. तो जाहिरातीसाठी ७.५० कोटी रुपये ते १० कोटी रुपयांपर्यंत कमाई करतो. तसेच सोशल मीडियावरील इन्स्टाग्राम पोस्टसाठी ८.९ कोटी रुपये तर ट्विटरच्या एका एका पोस्टसाठी २.५ कोटी रुपये घेतो.
