बॉलिवूडमधील सतत चर्चेत असलेली जोडी म्हणजे अभिनेता रणबीर कपूर व अभिनेत्री आलिया भट्ट. एकमेकांना काही काळ डेट केल्यानंतर एप्रिल २०२२ मध्ये लग्नबंधनात अडकले. त्यांच्या लग्नाच्या वृत्ताने सर्वांनाच एक आश्चर्याचा धक्का बसला होता. त्यानंतर २०२२मध्ये आलियाने एका गोंडस मुलीला जन्म दिला. मुलीचे नाव ‘राहा’ असे ठेवण्यात आले. तिच्या जन्मानंतर एका वर्षानेच रणबीर व आलियाने आपल्या मुलीला माध्यामांसमोर आणले. त्यानंतर राहाचे अनेक फोटो सोशल मीडियावर व्हायरल झाले होते. अनेकांनी ती तिच्या आजोबांसारखी म्हणजे दिवंगत अभिनेते ऋषी कपूर यांच्यासारखी दिसत असल्याच्याही चर्चा झाल्या. राहाच्या फोटोंनी सोशल मीडियावर अक्षरशः धुमाकूळ घातला होता. (Ranbir kapoor and Alia Bhatt daughter)
व्हायरल झालेल्या फोटोमध्ये रणबीर, आलिया व दिग्दर्शक आयन मुखर्जी दिसत असून बंगल्याच्या आवारात राहा चालताना दिसत आहे. चालताना ती मस्तीही करत आहे. हे बघून आई-वडील दोघेही कौतुकाने आपल्या मुलीकडे बघत आहेत.
रणबीर व आलियाच्या मुलीचा म्हणजे राहाचा जन्म ६ नोव्हेंबर २०२२ रोजी झाला. आता ती अडीच वर्षांची झाली आहे. त्यामुळे तिने आता चालण्यासही सुरवात केली आहे. राहाचा चालतानाचा फोटो आजूबाजूच्या परिसरातून लीक झाल्याचे सांगितले जात आहे.
या व्हायरल फोटोवर अनेक नेटकऱ्यांनी प्रतिक्रिया दिल्या आहेत. एक नेटकरी लिहितो की, “ही राहा असू शकत नाही. ती अजून खूप लहान आहे. हा एकतर तैमुर आहे किंवा जेह”, त्यावर दुसऱ्या एकाने उत्तर दिले की, “ही राहाचं आहे”. नुकतीच राहा रणबीरबरोबर जेहच्या वाढदिवसाला दिसून आली होती. तेव्हा तिला रणबीरने उचलून घेतले होते. तेव्हा तिचे काही फोटो व्हायरल झाले होते यामध्ये तिचे हावभाव बघून तिची तुलना लहानपणीच्या आलियाशी केली होती”.
२०२३ मध्ये प्रदर्शित झालेल्या रणबीरच्या ‘ॲनिमल’ या चित्रपटाने बॉक्सऑफिसवर धुमाकूळ घातला होता. या चित्रपटातील रणबीरच्या भूमिकेचे प्रचंड कौतुक करण्यात आले होते. आता लवकरच या चित्रपटाचा दूसरा भाग ‘ॲनिमल पार्क’ येणार असल्याची घोषणा ‘ॲनिमल’ च्या निर्मात्यांनी केली आहे.