बॉलिवूड अभिनेता अर्जुन कपूर कोणत्या ना कोणत्या कारणामुळे सतत चर्चेत असतो. काही दिवसांपासून त्याच्या व अभिनेत्री मलायका अरोराच्या ब्रेकअपच्या चर्चांना उधाण आलं होतं. त्यानंतर तो अभिनेत्री कुशा कपिलला डेट करत असल्याच्याही चर्चा होत होत्या. कुशामुळे अर्जुन-मलायकाचं नातं संपुष्टात आलं असल्याचंही बोललं जात होतं. अशा चर्चा होत असताना अर्जुनने सोशल मीडियावर शेअर केलेली एक पोस्ट बरीच व्हायरल होत आहे. अर्जुनचे सोशल मीडियावर बरेच फॉलोवर्स आहेत. तो सोशल मीडियावर बराच सक्रिय असतो. तो स्वतःच्या आयुष्यातील क्षण फोटो, व्हिडीओद्वारे शेअर करत असतो. अशीच त्याने शेअर केलेली एक पोस्ट बरीच चर्चेत आहे. अर्जुनच्या पाळीव श्वानाच निधन झालं आहे. त्याच्या आठवणीत अर्जूनने सोशल मीडियावर एक पोस्ट शेअर केली. (Arjun Kapoor Share emotional note)
अर्जुनच्या श्वानाचं नाव मॅक्सीमस असं होतं. ही पोस्ट शेअर करताना त्याने मॅक्सीमसबरोबरचे काही क्षण फोटो, व्हिडीओतून शेअर केले आहेत. त्याच्या आठवणीत तो लिहीतो, “जगातील सगळ्यात चांगला मुलगा मॅक्सीमस. दयाळू, धाडसी, गोड मॅक्सीमस. तुझ्याशिवाय हे घर आता पहिल्यासारखं वाटणार नाही. मला नाही माहित मी तुझ्याशिवाय घरात एकटा कसा राहिन. मला तुझी नेहमी आठवण येत राहील”. या पोस्टवरून अर्जुन मॅक्सीमसच्या जाण्याने बराच दुःखी असल्याचं दिसून येत आहे.
अर्जुनची बहीणीनेही मॅक्सीमसच्या आठवणीत एक पोस्ट शेअर केली आहे. ती लिहीते की, “चांगल्या व वाईट वेळेत आमच्यावर अफाट प्रेम केल्याबद्दल धन्यवाद. तुझ्याशिवाय हे घर आता पूर्वीसारखं राहणार नाही”.अर्जुनने केलेल्या पोस्टवर नेटकऱ्यांनीही कमेंट करत सांत्वना व्यक्त केली. एका नेटकऱ्याने, ‘तुझ्या भावनिक नुकसानाबद्दल मी खूप दुःख आहे’ असं म्हणत त्याच्या दुःखात सहभाग दर्शवला.
अर्जुन लवकरच अभिनेत्री भूमी पेडणेकरसह नुआ शैलीच्या थ्रिलर ‘द लेडीकिलर’ या चित्रपटातून प्रेक्षकांच्या भेटीला येणार आहे. याशिवाय तो भूमी पेडणेकर व रकुल प्रीत सिंगसह एका रोमँटिक कॉमेडी चित्रपटातही दिसणार आहे.
