बॉलीवूड अभिनेता अरबाज खान गेल्या अनेक कालावधीपासून खूप चर्चेत आहे. पहिली पत्नी मलायका अरोराला घटस्फोट दिल्यानंतर तो पुन्हा एकदा लग्नबंधनात अडकला. मेकअप आर्टिस्ट असलेल्या शूराबरोबर लग्न केले. त्याची दुसरी पत्नी २१ वर्षांनी लहान आहे. लग्नानंतर ते अनेक ठिकाणी एकत्रित स्पॉट होतात. आता नुकतेच ते एका रुग्णालयाबाहेर दिसून आले त्यामुळे शूरा गरोदर असण्याच्या चर्चा सुरु झाल्या. दोघांचाही हा व्हिडीओ सोशल मीडियावर मोठ्या प्रमाणात व्हायरल होत आहे. वयाच्या ५६व्या वर्षी अरबाज बाबा होणार की काय? अशा चर्चांना उधाण आले आहे. (arbaaz khan wife pregnant)
अभिनयापासून दूर गेल्यानंतर अरबाजने दिग्दर्शन व निर्मितीक्षेत्रात पाऊल ठेवलं. त्याने मालायकाबरोबरचा १९ वर्षांचा संसार मोडून शूराबरोबर २३ साली नवीन संसार थाटला. लग्नाच्या एक वर्ष आधी दोघेही एकमेकांना डेट करत होते. अरमान व शूरा त्यांच्या खासगी आयुष्यामध्ये खूप खुश आहेत सोशल मीडियावर देखील त्यांचे प्रेम पाहायाला मिळते. अशातच आता त्यांनी रुग्णालयाच्या बाहेर दिसून आल्याने अनेक चर्चा सुरु झाल्या आहेत.
आणखी वाचा – ‘हा’ स्पर्धक ठरणार ‘बिग बॉस ओटीटी ३’चा विजेता, अरमान मलिकचं मोठं वक्तव्य, म्हणाला…
अरबाज व शूरा हे दोघंही नेहमी बाहेर स्पॉट केले जातात. पापाराझीची नेहमी त्यांच्यावर नजर असते. हॉस्पिटलमध्ये गेल्यानंतररही ते पापाराझीच्या तावडीत सापडले. तेव्हा त्यांना प्रश्न विचारला की, “काही आनंदाची बातमी आहे का?”, त्यावर लगेकचच शूराने नकारार्थी मान हलवली आणि कारमध्ये जाऊन बसली.
दोन दिवसांपूर्वीच शूराने अरबाजबरोबर एक रोमॅंटिक फोटो शेअर केला होता. या फोटोमध्ये ते दोघेही एकमेकांना मिठी मारून उभे असलेले दिसत आहेत. तसेच कॅप्शनमध्ये ‘सुकून’ असे लिहिले होते. अरबाजची शूराबरोबर पहिली भेट ‘पटना शुक्ला’च्या सेटवर झाली होती. त्यांच्यामध्ये आधी मैत्री झाली आणि नंतर मैत्रीचे रूपांतर प्रेमात झाले. रुग्णालयात गेल्याने खरच अरबाज पुन्हा एकदा बाबा होणार की काय अशी चर्चा आता सगळीकडेच रंगली आहे.
