बॉलिवूड अभिनेता आमीर खानच्या घरी सध्या लग्नाची धामधूम पाहायला मिळत आहे. अभिनेत्याची मुलगी इरा खान बॉयफ्रेंड नुपूर शिखरेबरोबर लवकरच लग्नगाठ बांधणार आहे. अशातच इरा व नुपूर यांच्या लग्नापुर्वीच्या विधींना सुरुवात झाली आहे. इरा व नुपूर यांचा गेल्या वर्षी सप्टेंबर महिन्यात इटली येथे साखरपुडा सोहळा संपन्न झाला. त्यानंतर आता त्यांच्या लग्नाआधीच्या विधींना सुरुवात झाली असल्याचे पाहायला मिळत आहे. नुकताच त्यांच्या घरी महाराष्ट्रीयन पध्दतीने केळवण पार पडले. याचे काही फोटो सोशल मीडियावर व्हायरल झाले होते. अशातच आता त्यांच्या लग्नानिमित्त घराला सजावट करण्यात आल्याचे काही खास क्षण समोर आले आहेत. ( (Ira khan and nupur Shikhare Wedding)
इरा व नुपूर यांच्या लग्नानिमित्त दोघांच्याही घरी आनंदाचे वातावरण पाहायला मिळत आहे. गेल्या एक महिन्यापासून दोन्ही कुटुंबांकडून लग्नाआधीच्या विधींना सुरुवात झाली असून याचे काही फोटो आणि व्हिडिओ समोर येत आहेत. नुकताच सोशल मीडियावर एक व्हिडीओ व्हायरल होत आहे, ज्यामध्ये आमिर खानचे घर दिव्यांनी झगमगताना दिसत आहे. तसेच त्याच्या घराला आकर्षण सजावट, रंगरंगोटी व रोषणाई करण्यात आली आहे. आमीर खानशिवाय त्याची पूर्वपत्नी रीना दत्ताच्या घरीही लाडक्या लेकीच्या लग्नाची जोरदार तयारी सुरू झाली असल्याचे दिसून येत आहे. रीनाचेही घर गुलाबी व पांढर्या दिव्यांनी उजळून निघाले आहे.
आणखी वाचा – ‘मुन्नाभाई एमबीबीएस’ व ‘ थ्री इडियट्स’साठी शाहरुख खान होता पहिली पसंती पण…; अभिनेत्यानेच केला खुलासा
त्याचबरोबर नुपूर शिखरेनेदेखील त्याच्या घराची एक झलक सोशल मीडियावर शेअर केली आहे. नुकताच नुपूरने इन्स्टाग्रामवर एक व्हिडिओ शेअर केला होता, ज्यामध्ये त्याच्या घराला फुलांची सजावट असलेली पाहायला मिळत आहे. तसेच व्हिडीओमध्ये पुढे त्याची आई त्याला टिळा लावत त्याचे औक्षणदेखील करताना दिसत आहे. नूपुरने त्याच्या कुटुंबियांचे काही खास फोटोदेखील शेअर केले आहेत. याशिवाय ते महाराष्ट्रीयन रितीरिवाजानुसार लग्नाआधीचे काही विधी करतानाही दिसून आले. अशातच शिखरे व खान हे दोन्ही कुटुंबीय त्यांच्या मुलांच्या लग्नासाठी आतुर असून त्यांनी लग्नासाठी जय्यत तयारी केली असल्याचे या व्हिडीओमधून पाहायला मिळत आहे.
आणखी वाचा – ऋषी कपूर यांना नाना पाटेकरांच्या हातचा खायचा होता खीमा पाव पण…; अभिनेत्याने सांगितला ‘तो’ भावुक प्रसंग
दरम्यान, काही सूत्रांनी दिलेल्या माहितीनुसार, खान कुटुंब इराच्या लग्नासाठी खूपच आनंदी आहेत. कारण ते या नवीन वर्षाची धमाकेदार सुरुवात लेकीच्या लग्नसोहळ्याने करणार आहेत. इरा व नुपूरचे लग्न ३ जानेवारी रोजी वांद्रे येथील ताज लँड्स एंड या आलिशान हॉटेलमध्ये होणार आहे. यानंतर ६ ते १० जानेवारी दरम्यान दोन रिसेप्शन पार्टीचं आयोजन करण्यात आलं आहे. यापैकी एक रिसेप्शन दिल्ली येथे तर दुसरे रिसेप्शन जयपूरमध्ये होणार असल्याचे म्हटले जात आहे.