Bigg Boss Marathi 6 : ‘बिग बॉस मराठी सीझन ६’ आता अंतिम टप्प्यात पोहोचल्यामुळे, प्रेक्षकांची उत्सुकता शिगेला पोहोचली आहे. हा शो सुरू झाल्यापासून या शोने सुरुवातीपासूनच वेगवेगळ्या ट्विस्ट्स आणि नात्यांच्या चढ-उतारांमुळे प्रेक्षकांना खिळवून ठेवले. या प्रवासात काही मैत्री घट्ट झाल्या, तर काही नाती तुटताना देखील पाहायला मिळाली. यंदाच्या सीझनमध्ये सर्वाधिक चर्चेत राहिलेलं नातं म्हणजे तन्वी कोलते आणि प्रभू शेळकेच्या भाऊ-बहिणीचं नातं. सुरुवातीपासूनच तन्वीने प्रभूला भाऊ मानत त्याची काळजी घेतली. गावाकडून आलेल्या प्रभूला काही गोष्टी समजत नसताना तन्वीने त्याला नेहमी मार्गदर्शन केलं.
प्रभूच्या आयुष्यातील प्रत्येक महत्त्वाच्या क्षणी तन्वी त्याच्या सोबत ठामपणे उभी राहिलेली दिसली. घरातून आलेलं पत्र असो किंवा कोणताही भावनिक प्रसंग तिने नेहमी त्याला आधार दिला. ‘फॅमिली वीक’मध्येही तन्वीने आपुलकीची भावना दाखवत प्रभूच्या आईला स्वतःची नवी साडी भेट दिली आणि या नात्याला अजूनच घट्ट केलं. याच काळात तिने प्रभूला एक खास वचन दिलं होतं त्याला टीव्ही घेऊन देण्याचं. प्रभू घराबाहेर पडल्यानंतर तन्वी खूप भावूक झाली होती. त्याच्या कुटुंबाची आर्थिक परिस्थिती मर्यादित असल्यामुळे त्यांच्या घरी टीव्ही नव्हता. मात्र, तन्वी स्वतः घरात असतानाही तिच्या कुटुंबाने तिचं वचन पूर्ण केलं आणि प्रभूच्या घरी टीव्ही पोहोचवून तिच्या शब्दाला खरी उतरली.
आणखी वाचा – ‘पारू’ मालिकेचा अचानक END, पण ‘ही’ जोडी दिसणार पुन्हा एकत्र, उत्सुकता वाढली
या घटनेचे फोटो सध्या सोशल मीडियावर मोठ्या प्रमाणात व्हायरल होत आहेत. फोटोमध्ये तन्वीची आजी प्रभूच्या कुटुंबाला भेट देताना आणि टीव्ही देताना दिसते. इतकंच नव्हे, तर आजींनी प्रभूच्या आईला साडीही भेट दिली. तन्वीने घरात राहूनही दिलेला शब्द पाळल्यामुळे तिच्यावर कौतुकाचा वर्षाव होत आहे. तिच्या बहिणीच्या इन्स्टाग्राम अकाउंटवरून शेअर केलेला हा व्हिडीओ देखील व्हायरल होत आहे.
आणखी वाचा – ‘कमळी’ मालिकेत मोठा TWIST! आजीचा विश्वासघात, कमळीला कानाखाली मारली अन् घराबाहेर काढलं
