Bigg Boss 17 Latest News : ‘बिग बॉस’च्या १७व्या सीझनचा विजेता लवकरच समोर येणार आहे. या शोचा फिनाले जवळ आला असून या कार्यक्रमाचे टॉप पाच स्पर्धक समोर आले आहेत. अंकिता लोखंडे, मन्नारा चोप्रा, अरुण माशेट्टी, अभिषेक कुमार व मुन्नवर फारुकी यांनी ‘बिग बॉस’च्या टॉप पाच स्पर्धकांच्या यादीत आपलं स्थान कमावलं आहे. मन्नारा व अंकिता यांच्यात ‘बिग बॉस’च्या घरात आल्यापासून अनेकदा भांडण झालेलं पाहायला मिळालं.
अलीकडेच ‘बिग बॉस’मध्ये झालेल्या पत्रकार परिषदेदरम्यान अंकिता लोखंडे मन्नारा चोप्रावर रागावताना दिसली. अंकिताने त्या दिवशी मन्नाराची साडी नेसली होती, यावरुन अभिनेत्रीच्या बहिणीने म्हणजेच मिताली हांडाने अंकिताची कानउघडणी केली आहे. मिताली सोशल मीडियावर खूप सक्रिय असते. ती तिची बहीण मन्नाराला खूप सपोर्ट करत आहे. मिताली हांडा तिच्या इन्स्टाग्राम स्टोरीमुळे चर्चेत पुन्हा एकदा चर्चेत आली आहे. यावेळी ती अंकितावर राग व्यक्त करताना दिसली आहे.
मितालीने तिच्या इंस्टाग्राम स्टोरीवर अंकिता लोखंडेचा एक फोटो शेअर केला आहे ज्यामध्ये ती साडी नेसलेली दिसत आहे. या फोटोवर मितालीने लिहिलं आहे की, “अंकिता लोखंडेने मन्नाराकडून घेतलेले कपडे परिधान केले होते. जे मी माझ्या बहिणीसाठी पाठवले होते. मन्नारा एक दयाळू मुलगी आहे, ती इतरांना कपडे देखील देते. म्हणूनच मीडियाला तिचा आदर आहे. पण इथे अंकिता मन्नाराच्या विरोधात बोलताना दिसली. अंकिता तुला सलाम, तू खूप असंवेदनशील आहेस” असं म्हणत तिने ही पोस्ट शेअर केली होती.
अंकिताने पत्रकार परिषदेनंतर मन्नाराची माफी मागितली. तिने मन्नाराशी बोलून सगळं क्लिअर केलं होतं. विकी व मन्नारा यांचं बिग बॉसच्या घरातील बॉण्डिंग चांगलं होतं. दरम्यान, विकीला बाहेर काढल्यानंतर मन्नारा अंकिताची काळजी घेताना दिसली. मन्नाराच्या कुटुंबातील प्रत्येक सदस्य तिला मतदान करुन पाठिंबा देण्याचे आवाहन करत आहे. मन्नाराची चुलत बहीण प्रियांका चोप्रा देखील तिच्या समर्थनार्थ पुढे आलेली पाहायला मिळाली.