Bigg Boss 17 Latest News : मालिकाविश्वातील लोकप्रिय अभिनेता समर्थ जुरेलचा ‘बिग बॉस १७’ च्या घरातील प्रवास संपला. समर्थने या शोमध्ये वाईल्ड कार्ड स्पर्धक म्हणून एन्ट्री घेतली होती. या शोमध्ये समर्थ प्रेक्षकांचे मनोरंजन करताना दिसला. एकीकडे त्याची अभिषेक कुमारशी असलेली दुश्मनी ‘बिग बॉस’च्या घरात पाहायला मिळाली, तर दुसरीकडे विकी जैन व अंकिता लोखंडेबरोबरची त्याची मैत्रीही पाहायला मिळाली. आता समर्थ शोमधून बाहेर पडला असून, तो शो संबंधित अनेक गोष्टींचा खुलासा करताना दिसत आहे. नुकताच त्याने विकी जैनबद्दल खुलासा केला आहे.
समर्थ जुरेल याने अलीकडेच कॉमेडियन भारती सिंह व हर्ष लिंबाचिया यांच्यासह संवाद साधला. भारती सिंहच्या या पॉडकास्टमध्ये समर्थ यांने विकी जैनच्या एका सवयीबद्दल सांगितले. विकी किती अस्वच्छ आहे हे अभिनेत्याने सांगितले आहे. खरं तर, जेव्हा भारती सिंहने समर्थला विचारले की, या शोमध्ये असं कोण आहे ज्याने आंघोळ केली नाही. या प्रश्नाला उत्तर देत समर्थने विकीचे नाव घेतले. समर्थ याने सांगितले की, “विकीने तीन ते चार दिवस अंघोळ केली नाही. एकदा विकीने आंघोळ न करण्याचा विक्रम केला होता. त्याने ३ दिवस तेच कपडे घातले”.
यानंतर भारती व हर्ष यांनी विचारले की, ‘विकी ‘बिग बॉस’च्या घरात ब्रँडेड कपडे घालतो का?’, यावर समर्थने उत्तर देत म्हटलं की, “त्याला कपड्यांची खूप आवड आहे, फक्त त्याला अंघोळीची आवड नाही”. समर्थ अंकिताबद्दलही पुढे बोलताना दिसला. अंकिताबाबत बोलताना तो म्हणाला की, “अंकिताकडे खूप कपडे आहेत. आमच्या घरात जेवढे कपडे आहेत तेवढे कपडे एकट्या अंकिताजींचे आहेत. आता यात त्यांचाही दोष नाही”.
भारतीने पुढे विचारले की, अंकिताने शोमध्ये २०० कपडे घेतल्याचे तिने ऐकले आहे. यावर समर्थने उत्तर दिले की, “तिने २०० कपडे घेतले होते आणि बाहेरूनही तिच्यासाठी आणखी कपडे येत होते”. सध्या शोमध्ये फक्त अंकिता लोखंडे, मुन्नवर फारुकी, विकी जैन, मन्नारा चोप्रा, अभिषेक कुमार व अरुण माशेट्टी हे स्पर्धक आहेत.