Anushka Sarkate engagement : मराठी मनोरंजनविश्वातील लोकप्रिय अभिनेत्री अनुष्का सरकटे आणि अभिनेता निखिल चव्हाण यांच्या लग्नाची चर्चा गेल्या काही दिवसांपासून जोरदार रंगत आहे. दोघांच्या नात्याविषयी चाहत्यांमध्ये प्रचंड उत्सुकता पाहायला मिळत असून त्यांच्या लग्नसोहळ्याच्या प्रत्येक अपडेटकडे चाहत्यांचे बारकाईने लक्ष आहे. दरम्यान नुकताच अनुष्का आणि निखिल यांचा साखरपुडा मोठ्या उत्साहात आणि कुटुंबीयांच्या उपस्थितीत पार पडला आहे. याशिवाय अनुष्काचा मेहंदी सोहळा ही पार पडला होता. या सोहळ्यातील सुंदर फोटो आणि व्हिडीओ सोशल मीडियावर मोठ्या प्रमाणात व्हायरल झाले होते. अनुष्काच्या मेहंदी लूकचे तसेच तिच्या आनंदी क्षणांचे चाहत्यांनी भरभरून कौतुक केले. त्यानंतर आता त्यांच्या साखरपुड्याचे फोटो समोर आल्यानंतर चाहत्यांमध्ये आणखी उत्साहाचे वातावरण निर्माण झाले आहे.
साखरपुड्याच्या या खास सोहळ्यात अनुष्का आणि निखिल दोघेही अतिशय देखण्या आणि आकर्षक अंदाजात दिसून आले. पारंपरिक आणि आधुनिकतेचा सुंदर मिलाफ असलेल्या त्यांच्या लूकने उपस्थितांचे तसेच चाहत्यांचे लक्ष वेधून घेतले. दोघांनी एकमेकांना अंगठी घालत आपल्या नात्याला नवे स्वरूप दिले. या क्षणी त्यांच्या चेहऱ्यावरील आनंद आणि भावनिक क्षण कॅमेऱ्यात कैद झाले असून ते फोटो सध्या सोशल मीडियावर मोठ्या प्रमाणात व्हायरल होत आहेत. या सोहळ्याला दोघांचे कुटुंबीय, जवळचे नातेवाईक आणि मित्रमंडळी उपस्थित होती. सर्वांच्या शुभेच्छा आणि आशीर्वादांमध्ये हा आनंदाचा क्षण साजरा करण्यात आला. साखरपुड्यातील प्रत्येक क्षण विशेष असल्याचे फोटोंमधून स्पष्टपणे दिसून येत आहे. अनुष्का आणि निखिल यांची सुंदर केमिस्ट्री, एकमेकांप्रती असलेले प्रेम आणि आनंदी स्वभाव चाहत्यांच्या मनाला भावला आहे.
सोशल मीडियावर त्यांच्या साखरपुड्याचे फोटो समोर येताच चाहत्यांनी कमेंट्स आणि शुभेच्छांचा वर्षाव सुरू केला आहे. अनेकांनी या जोडीला “मेड फॉर इच अदर” असे म्हटलं आहे. त्यांच्या वैवाहिक आयुष्यासाठी शुभेच्छा दिल्या आहेत. लग्नाच्या पुढील विधी आणि सोहळ्यांचीही चाहते आतुरतेने वाट पाहत आहेत. दरम्यान, अनुष्का सरकटे आणि निखिल चव्हाण यांच्या या नव्या प्रवासाला चाहत्यांसह संपूर्ण मराठी मनोरंजनविश्वाकडून शुभेच्छा मिळत आहेत. आता त्यांच्या लग्नसोहळ्याचे आणखी काही खास फोटो आणि क्षण पाहण्यासाठी चाहते उत्सुक असल्याचे दिसत आहे.
आणखी वाचा – करवलीचा नखरा! भावाच्या लग्नात शिवानी बावकरचीच हवा, पाठराखीण म्हणून संभाळतेय जबाबदारी
