‘बिग बॉस’च्या यंदाच्या १७ व्या पर्वाची सध्या सर्वत्र जोरदार चर्चा सुरू आहे. गेले काही दिवस या शोमध्ये अनेक् ट्विस्ट येत आहेत. घरातील भांडणं, गॉसिप्स, वादविवाद या कारणांनी हा शो चांगलाच गाजत आहे. ‘बिग बॉस’चि स्पर्धा जिंकण्यासाठी घरातील प्रत्येक स्पर्धक जीव ओतून खेळत आहे आणि यासाठी ते कोणत्याही ठरला जात आहेत. खेळ जिंकण्यासाठी एकमेकांबरोबर भांडण, मारामारी करत आहेत. गेल्या काही दिवसांपासून अभिषेक हा चांगलाच चर्चेत आला आहे. तहलकाबरोबरच्या भांडणामुळे तो प्रेक्षकांच्या नजरेत आला आहे. (Abhishek Kumar Kissed To Khanzaadi)
अशातच घरातील एका कृतीमुळे त्याची सर्वत्र चर्चा होत आहे. ‘बिग बॉस’मधील एका टास्कदरम्यान अभिषेकने खानजादीला किस करण्याचा प्रयत्न केला आणि त्यामुळे तो सध्या चर्चेचा विषय ठरला आहे. घरातील एका टास्कदरम्यान अभिषेकने खानजादीचा तिच्या परवानगीशिवाय किस करण्याचा प्रयत्न केला. याचा खानजादीला राग आला आणि तिने तू अत्यंत वाईट वागला असून तुझ्या या वागण्यासाठी तुला शिक्षा झाली पाहिजे. असे म्हटले. दरम्यान, अभिषेक-खानजादी याधीही त्यांच्यातील नात्यामुळे चर्चेत आले आहेत. अशातच अभिषेकने केलेल्या कृतीमुळेही तो पुन्हा एकदा चर्चेचा विषय ठरला आहे.
गेल्या काही भागांपासून अभिषेक हा सलमान खानच्या रडारवर आहे. सलमानने त्याला अनेकदा ओरडलेही आहे. गेल्या काही भागात अभिषेक ईशाशी ज्या पद्धतीने बोलला ते ऐकून सलमानने त्याला चांगलाच दम भरला आहे. दरम्यान, सलमानच्या या फटकारानंतरही अभिषेकमध्ये काही सुधारणा झाली नसल्याचे दिसून येत आहे. अशातच खानजादीला त्याने किस केला आहे. त्यामुळे तो पुन्हा एकदा सलमानच्या तावडीत आला आहे.
त्यामुळे आगामी भागात सलमान अभिषेकच्या वागण्यावर काय प्रतिक्रिया देणार? हे पाहणे उत्सुकतेचे ठरणार आहे. त्याचबरोबर सलमानच्या ओरडण्याने अभिषेकच्या वागण्यावर काही परिणाम होणार का? हे पाहण्यासाठी प्रेक्षक आतुर आहेत. तसेच घरात ओरा या स्पर्धकाचि वाईल्ड कार्ड एण्ट्री होणार आहे. त्यामुळे त्याच्या येण्याने घरातील स्पर्धकांवर काय फरक पडणार हे पाहणे उत्सुकतेचे ठरणार आहे.
