‘ये रिश्ता क्या कहलाता है’ या मालिकेतून अभिनेत्री हिना खान घराघरात पोहोचली. ‘अक्षरा’ ही भूमिका तिने साकारली होती. ही भूमिका आजही प्रेक्षकांच्या लक्षात आहे. त्यानंतर तिने अनेक मालिका व अनेक शोमधून ती प्रेक्षकांच्या समोर आली होती. विशेषतः ‘बिग बॉस’ व ‘खतरो के खिलाडी’ या शोमधून तिला अधिक प्रसिद्धी मिळाली. त्यानंतर ‘कसोटी जिंदगी की’ या मालिकेमध्ये तिने साकारलेल्या ‘कोमोलिका’ या खलनायिकेच्या भूमिका खूप पसंत केली गेली. ती आपल्या सोशल मीडियावर देखील अधिक सक्रिय असते आणि चाहत्यांशी नेहमी संवाद साधत असते. पण आता पुन्हा एकदा चर्चेत आली आहे. (hina khan new look)
रमजान ईदच्या दरम्यान तिने आपल्या चाहत्यांना ईदच्या शुभेच्छा दिल्या. पण यावेळी तिच्या व्हिडीओमधील एका गोष्टीने चाहत्यांचे लक्ष वेधून घेतले. जेव्हा हिना प्रेक्षकांच्या समोर आली तेव्हा तिच्या भांगेत कुंकू असलेले दिसून आले. त्यामुळे तिचा एक वेगळा अवतार चाहत्यांना पाहायला मिळाला. यावरुन सोशल मीडियावर मोठ्या प्रमाणात चर्चा सुरु झाली. तसेच नेटकाऱ्यांनी “लग्न झाले का?”, असे विचारण्यास सुरवात केली.
तिने शेअर केलेल्या व्हिडीओमध्ये म्हंटले आहे की, “तुम्हा सर्वांना ईदच्या खूप खूप शुभेच्छा. माझ्या आवाजासाठी मी माफी मागते. माझी तब्येत खराब आहे. पण मी सर्वांनाच शुभेच्छा देऊ इच्छिते. तसेच माझे लग्न झाले नाही. हा माझ्या चित्रीकरणाचा एक भाग आहे. त्यामुळे मी स्वतःला असे झाकून घेतले आहे”.
तसेच पुढे ती म्हणाली की, “तुम्ही तुमच्या कुटुंबाबरोबर ईद साजरी करत असालच तसेच तुमचे रोजे देखील चांगले झाले असतील. माहीत नाही माझ्या आवाजाला नक्की काय झाले आहे ते. पुन्हा एकदा तुम्हा सर्वांना ईदच्या हार्दिक शुभेच्छा”.
हिनाच्या या व्हिडीओला प्रेक्षकांनी खूप पसंती दर्शवली असून तिला देखील ईदच्या शुभेच्छा देण्यात आहेत.
