Amruta Khanvilkar Legal Action on Divorce Rumour : मराठमोळी अभिनेत्री अमृता खानविलकरने अभिनय आणि सौंदर्याने अनेकांची मने जिंकली आहेत. चाहते अमृताच्या प्रत्येक सिनेमाची आतुरतेने वाट पाहात असतात. सोशल मीडियावर देखील अमृता प्रचंड सक्रिय असते. वेगवेगळ्या ठिकाणी गेल्यावर ती व्हिडीओ शेअर करताना दिसते. तिचे व्हिडीओ किंवा फोटो चाहत्यांना बघायला आवडतात. पण गेल्या काही दिवसांपासून अमृता ही तिच्या खासगी आयुष्यामुळे चर्चेत आहे. आता अमृताने या विरोधात मोठे पाऊल उचलले आहे. (Amruta Khanvilkar Legal Action on Divorce Rumour)
पण गेल्या काही दिवसांपासून अमृता ही तिच्या खासगी आयुष्यामुळे चर्चेत आहे. अमृता खानविलकर आणि तिचा पती अभिनेता हिमांशु मल्होत्रा यांच्या वैयक्तिक आयुष्याबाबत गेल्या काही दिवसांपासून सोशल मीडियावर मोठं वादळ उठलं होतं. दोघांच्याही घटस्फोटाच्या चर्चांना उधाण आलेलं. तर अमृता आणि हिमांशु वेगळे राहत असल्याचे दावे करणाऱ्या पोस्ट देखील व्हायरल झाल्या होत्या. त्यामुळे सोशल मीडियावर आणि दोघांच्याही चाहत्यांमध्ये मोठा गोंधळ उडालेला. अफवा उठल्यानंतर दोघांनीही आम्ही अजूनही एकत्र आहोत, असं स्पष्टीकरणंही दिले होते. पण, त्यानंतरही सोशल मीडियावर दोघांच्या घटस्फोटाच्या अफवा सुरूच होत्या. (Amruta Khanvilkar Legal Action on Divorce Rumour)
अखेर, आता याबाबतीत दोघांनीही कायदेशीर मार्ग अवलंबला आहे. अभिनेत्रीच्या लीगल टीमनं अफवा पसरवणाऱ्यांविरोधात कठोर पावलं उचलली जाणार असल्याचा इशारा दिला आहे. मराठी अभिनेत्री अमृता खानविलकर हिनं तिचा पती हिमांशु मल्होत्रासोबत तिच्या ऑफिशिअल इन्स्टा हँडलवरुन एक पोस्ट शेअर केलीय. या पोस्टमध्ये अमृता खानविलकरने पोस्टमध्ये म्हटलंय की, “अधिकृत कायदेशीर निवेदन 10 ऑगस्ट 2026 पासून लागू. अभिनेत्री अमृता खानविलकर यांच्याबाबत ऑनलाइन व सोशल मीडिया माध्यनांवर त्यांच्या वैयक्तिक आयुष्याशी संबंधित असत्य, निराधार, बदनामीकारक किंवा गोपनीयताचा भंग करणारा मजकूर प्रसारित केला जात असल्याचे निदर्शनास आले आहे. अभिव्यक्ती स्वातंत्र्याचा गैरवापर करून बदनामी, अफवा किंवा खोटी माहिती प्रसारित केल्यास किंवा शेअर केल्यास, उपलब्ध पुराव्यांच्या आधारे संबंधित व्यक्ती किंवा संस्थेविरुद्ध कायदेशीर कारवाई करण्यात येईल. कायदेशीर टीम अमृता खानविलकर”, असं अमृतानं पोस्टमध्ये म्हटलं आहे. (Amruta Khanvilkar Legal Action on Divorce Rumour)
