‘अप्पी आमची कलेक्टर’ मालिकेत अप्पी व अर्जुन यांना एकत्र आणण्यासाठी अमोल प्रयत्न करत होता आणि त्याच्या या प्रयत्नांना यश आले असून नुकतंच मालिकेत अप्पी व अर्जुन अमोलसाठी एकत्र आले. अर्जुनने अप्पी व अमोलबरोबर राहण्याचा निर्णय घेतला आहे. अप्पी-अर्जुन दोघे अमोलसाठी एकत्र आले आहेत. त्यांना एकत्र आल्याचे पाहून प्रेक्षकही आनंदी झाल्याचे पाहायला मिळाले. मालिकेत सगळं काही ठीक चाललं असतानाच मीठाचा खडा पडला तो म्हणजे अमोलच्या आजारपणाचा. अमोलच्या प्रयत्नानंमुळे अर्जुन-अप्पी एकत्र आले. पण त्यांना एकत्र आणणारा अमोल आजारी पडला. मालिकेत काही दिवसांपूर्वी त्याला आजार झाल्याचे समोर आले होते. (Appi Amchi Collector Serial Updates)
मात्र हा आजार नक्की काय होता? याविषयी कुणालाच काहीच कल्पना नव्हती. अमोलच्या मन:शांतीसाठी त्याला झालेल्या आजाराचं सत्य लपवण्याचा निर्णय स्वप्नील आणि रुपालीने घेतला. दिवाळीच्या तयारीत सगळे असतानाच दीप्या अमोलच्या आजाराचं सत्य सर्वांसमोर मांडतो. हे ऐकून सगळे हादरतात. आता अमोलच्या आजारपणावर उपचार सुरु होणार आहेत. अमोलला झालेल्या आजारपणाच्या उपचारासाठी त्याची किमोथेरपी केली जाणार आहे आणि यासाठी अप्पी व अर्जुन तयारी करुन घेणार आहेत. मालिकेत नुकतंच दिवाळी साजरी झाली आणि दिवाळीनिमित्त घरातील सर्वांनी एकमेकांना भेटवस्तू दिली.
आणखी वाचा – Video : अलका कुबल, सई ताम्हणकरसह इतर मराठी कलाकारांच्या गौतमी पाटीलबरोबर रंगल्या गप्पा, चाहत्यांकडून कौतुक
यावेळी अर्जुनने अप्पीसाठी खास भेटवस्तु दिली. यावेळी त्याने अमोललाही खास भेटवस्तू दिली. अर्जुनने अप्पी गळ्यातील लॉकेट दिलं. तसंच त्याने अमोललाही एक लॉकेट दिलं. यात अमोल, अप्पी व अर्जुन यांचा फोटो लावलेला असतो. यावेळी अप्पी घरातील सर्वांना अमोलच्या उपचाराबद्दल सांगते. अमोलला झालेल्या आजारपणाच्या उपचारासाठी त्याच्यावर किमोथेरपी केली जाणार असून या किमोथेरपीबद्दल ती सर्वांना सांगते. दरम्यान, अमोलच्या किमोथेरपीबद्दल ऐकून घरातील सर्व जण भावुक होतात.
त्यामुळे आता अमोलच्या या आजारपणात अप्पी व अर्जुन त्याला कशी साथ देणार? आणि अमोलच्या आजारामुळे घाबरलेले अप्पी आणि अर्जुन यातून सावरणार का? अमोल या आजारपणाच्या उपचाराला कसा सामोरं जाणार? यासारखे अनेक प्रश्न चाहत्यांना पडले आहेत आणि या सर्व प्रश्नांची उत्तरं प्रेक्षकांना आगामी भागात पाहायला मिळणार आहेत.
