राखी सावंत व तिचा पूर्वाश्रमीचा पती आदिल खान दुर्रानी यांच्यामधील वाद पुन्हा एकदा चर्चेत आला आहे. राखीने आदिलवर केलेल्या गंभीर आरोपानंतर त्याला तुरुंगात जावं लागलं होतं. आता त्याची तुरुंगातून सुटका झाली आहे. दरम्यान आदिलने पत्रकार परिषद घेत राखीवर गंभीर आरोप केले आहेत. तसेच तिच्याबाबत अनेक धक्कादायक खुलासे केले. राखीच माझा छळ करत असल्याचं आदिलने स्पष्ट शब्दांमध्ये म्हटलं आहे. शिवाय खासगी आयुष्यामध्ये नेमकं काय घडलं? हे त्याने सगळ्यांसमोर सांगितलं.
राखीने माझे न्यूड व्हिडीओ बनवले असल्याचं आदिलने सांगितलं. इतकंच नव्हे तर आईला कर्करोग आहे सांगून लोकांकडून राखी पैसे घेत असल्याचं त्याने म्हटलं आहे. आदिल म्हणाला, “मी खूप काही सहन केलं आहे. या सहा महिन्यांमध्ये माझ्याबाबतीत काय काय घडलं हे सांगणंही कठीण आहे. पण मी आता खूश आहे की, आता तुरुंगामधून बाहेर आहे आणि माझ्याबाबतीत जे काही घडलं याविषयी बोलू शकतो”. राखीने फसवलं असल्याचंही आदिलने सांगितलं.
पुढे तो म्हणाला, “राखी सारखी व्यक्ती कोणाबरोबर काहीही करु शकते. तिने मला ड्रग्ज देऊन माझे न्यूड व्हिडीओ तयार केले”. आदिलने केलेल्या या गंभीर आरोपानंतर सगळ्यांच्याच भूवया उंचावल्या आहेत. शिवाय राखीने त्याच्याकडून आतापर्यंत कोट्यवधी रुपये घेतले असल्याचंही आदिलचं म्हणणं आहे. “राखीमुळे माझ्या आई-वडिलांना तसेच संपूर्ण कुटुंबियांना खूप काही सहन करावं लागलं”.
आणखी वाचा – “मराठी कलाकारांबरोबर काम करणं कठीण कारण…”, ‘ताली’वरुन सुष्मिता सेनचं भाष्य, म्हणाली, “ते सगळे कलाकार…”
राखीने ती गरोदर असल्याचं सांगितलं होतं. पण ती कधी गरोदर नव्हतीच असं आदिलचं म्हणणं आहे. “शारिरीक समस्यांमुळे राखीच्या युट्रसचं ऑपरेशन झालं. ती कधीच आई होऊ शकत नाही. ती कधीच आई होऊ शकत नाही.” असं आदिल म्हणाला. राखीच्या आईचं ज्यादिवशी निधन झालं त्यादिवशी ती बिर्यानी व कबाब खात असल्याचे आरोपही आदिलने केले. राखी विरोधात लढणार असल्याचंही आदिलने सांगितलं. आता हे प्रकरणं कितपत वाढणार हे पाहावं लागेल.
