‘राजा राणीची गं जोडी’ मालिकेतून घराघरात पोहोचलेली संजीवनी म्हणजे अभिनेत्री शिवानी सोनार लवकरच लग्नबंधनात अडकणार आहे. ‘रंग माझा वेगळा’, ‘लोकमान्य’ या मालिकेत झळकलेला अभिनेता अंबर गणपुळेशी शिवानी लग्नगाठ बांधणार आहे. त्यामुळे सध्या दोघांच्या लग्नाची लगबग सुरू आहे. अभिनेत्री शिवानी सोनारचा गुढीपाडव्याच्या शुभ मुहूर्तावर, ९ एप्रिलला अंबर गणपुळेशी साखरपुडा झाला होता. कुठलाही गाजावाजा न करताना शिवानी व अंबरने गुपचूप साखरपुडा केला होता. दोघांच्या साखरपुड्याचे फोटो आणि व्हिडीओ व्हायरल झाले होते. (Shivani Sonar Kelvan)
अशातच अभिनेत्रीच्या लगीनघाईलाही सुरुवात झाली आहे. लग्नाआधी तिच्या केळवणाला सुरुवात झाली आहे. घरच्यांनी तिचं ही केळवण साजरं केलं असून याची खास झलक शिवानीने सोशल मीडियाद्वारे शेअर केली आहे. या केळवणासाठी शिवानीच्या घरच्यांनी चमचमीत पदार्थांचा बेत केल्याचे दिसून येत आहे. केळवणाच्या जेवणात मांसाहारी जेवणाचाही समावेश असल्याचे पाहायला मिळत आहे. तसंच एका चिमूरड्याने शिवानीचं औक्षण केल्याचे फोटोही लक्ष वेधून घेत आहेत. तसंच एका रुमालावर शिवानीच्या पायांचे ठसेही पाहायला मिळत आहे.
आणखी वाचा – “गांधी भारताचे नव्हे तर पाकिस्तानचे राष्ट्रपिता”, सुप्रसिद्ध गायकाचे वादग्रस्त वक्तव्य, म्हणाला, “ते चुकून…”
शिवानीने यावेळी घरच्यांबरोबर खास फोटोशूट केलं असून यावेळी लेकीच्या लग्नानिमित्तचा आनंद त्यांच्या चेहऱ्यावर पाहायला मिळत आहे. यावेळी तिच्या बाबांनीई लेकीचे औक्षण केलं. तर शिवानीच्या आजीनेही नातीचे लाड केल्याचे या फोटोंमधून पाहायला मिळत आहेत. “घरचं केळवण/लाड” असं म्हणत शिवानीने हे खास फोटो शेअर केले आहेत आणि या फोटोला तिच्या चाहत्यांनी लाईक्स व कमेंट्स करत चांगलाच प्रतिसाद दिला आहे.
दरम्यान, शिवानी व अंबरच्या साखरपुड्याचे फोटो अजूनही चर्चेत आहेत. अशातच काही दिवसांपूर्वी त्यांनी Bride To Be Party आणि Groom To Be Partyचे फोटो शेअर केले होते. त्यानंतर आता अभिनेत्रीचे केळवणाचे फोटोही सोशल मीडियावर तूफान व्हायरल होत आहेत. त्यामुळे आता शिवानी-अंबर कधी एकदा लग्नबंधनात अडकणार? याकडे त्यांच्या चाहत्यांचे लक्ष लागून राहिले आहे.
