सुप्रसिद्ध अभिनेत्री शेफाली जरीवालाच्या निधनानंतर कलाविश्वावर शोककळा पसरली आहे. अवघ्या ४२व्या वर्षी शेफालीने जगाचा निरोप घेतला. प्रथमदर्शनी तिचं हृदयविकाराच्या आजाराने निधन झालं असल्याची माहिती समोर आली. पण अद्यापही कुटुंबाकडून किंवा डॉक्टरांकडून कोणतीच अधिकृत माहिती हाती आलेली नाही. अशातच या संपूर्ण प्रकरणाची पोलिसही चौकशी करत आहेत. शेफालीच्या अचानक जाण्याने संपूर्ण कुटुंबालाही मोठा धक्का बसला आहे. आई संपूर्ण प्रकरण समजताच पूर्ण कोलमडून गेली आहे. दरम्यान शेफालीचा पती पराग त्यागीचा एक व्हिडीओ सध्या सोशल मीडियावर चांगलाच चर्चेचा विषय ठरत आहे. (Shefali Jariwala husband viral video)
शवविच्छेदनासाठी शेफालीचा मृतदेह कूपर रुग्णालयात ठेवण्यात आला आहे. सध्या शवविच्छेदन सुरु असल्याची माहिती समोर आली आहे. आता शवविच्छेदनाच्या अहवालामधून नक्की काय समोर येणार? हे काही वेळात स्पष्ट होईलच. पण त्याचपूर्वी परागचा त्याच्या इमारतीच्या परिसरातील व्हिडीओ समोर आला आहे. या व्हिडीओमध्ये पराग त्यांच्या पाळीव कुत्र्याला घेऊन दिसत आहे.
आणखी वाचा – “वेळ आली आहे…”, मृत्यूपूर्वी शेफाली जरीवालाने केलेली ‘ती’ पोस्ट चर्चेत, आयुष्याबाबत केलेलं भाष्य
पराग त्यांच्या पाळीव कुत्र्याला घेऊन इमारतीच्या परिसरामध्ये फिरताना दिसला. यावेळी त्याच्या हातात शेफालीचा फोटोही होता. व्हिडीओमध्ये एक पोलिस व्हॅनही दिसत आहे. शेफालीचा मृतदेह रुग्णालयात असताना तो इमारतीच्या परिसरात अशाप्रकारे फिरणं अनेकांना चांगलंच खटकलं. यावेळी तो त्याच्याच विचारांमध्ये मग्न असल्याचंही पाहायला मिळालं. मात्र पत्नीचं निधन होऊनही पराग असा का फिरत आहे?, ती रुग्णालयात असताना हा इथे काय करत आहे? असे अनेक प्रश्न नेटकरी सोशल मीडियाच्या माध्यमातून विचारत आहेत.
दरम्यान शवविच्छेदन सुरु असताना पराग पुन्हा कूपर रुग्णालयामध्ये पोहोचला आहे. तसेच कलाकारांनीही रुग्णालयामध्ये गर्दी केली आहे. हिंदुस्तानी भाऊही यावेळी कॅमेऱ्यासमोर रडताना दिसला. शेफाली आणि हिंदूस्तानी भाऊ यांच्यामध्ये बहीण-भावाचं नातं होतं. शेफालीच्या निधनानंतर त्यालाही दुःख अनावर झालं. तर कित्येक कलाकार मंडळींनी सोशल मीडियाद्वारे पोस्ट शेअर करत शेफालीला श्रद्धांजली वाहिली.
