Divya Agarwal on Career : अभिनेत्री दिव्या अग्रवाल हिने व्यावसायिक अपुर्वा पडगांवकरशी लग्न केले. २०२४ मध्ये त्यांचे लग्न झाले होते. दिव्या यांनी हे लग्न खासगी ठेवले. त्यांनी अगदी घरच्या घरीच लग्नसोहळा उरकला. सोशल मीडियावर दिव्या बऱ्यापैकी सक्रिय असते. नेहमीच ती काही ना काही शेअर करत चाहत्यांच्या संपर्कात राहत असते. अशातच दिव्या हिने लग्नानंतर गरोदरपणात केल्या जाणाऱ्या कामाबाबत, आणि गरोदरपणानंतरच्या कामाबाबत प्रतिक्रिया दिली आहे. नुकत्याच दिलेल्या एका मुलाखतीत अभिनेत्रीने लग्नानंतर करिअरवर होणाऱ्या परिणामाबाबत भाष्य केलं आहे.
दिव्या अग्रवाल हिने नुकतीच फिल्मीज्ञानला मुलाखत दिली. यावेळी तिने सांगितले की, तिने इन्स्टाग्राममधून वैयक्तिक आयुष्याशी संबंधित गोष्टी का कमी केल्या आहेत. ती म्हणाली, “माझे वैयक्तिक आयुष्य इंस्टाग्रामवर इतके होते की कास्टिंग दिग्दर्शकाने मला शोधण्याचा प्रयत्न केला तर त्याला माझ्या कुत्र्यांची, माझे पती, आई आणि माझ्या कुटुंबाची फक्त छायाचित्रे माझ्या प्रोफाइलवर दिसली. तर आता तो विचार करेल, “हे सर्व ठीक आहे, परंतु तिला एक्टिंग किती येते?’. येथून मला असे वाटले की मी माझे प्रोफाइल थोडे व्यावसायिक बनवावे. तर आता मी माझे प्रोफाइल ८०% व्यावसायिक ठेवण्याचा प्रयत्न करीत आहे. केवळ २० टक्के वैयक्तिक गोष्टी मी आता शेअर करणार आहे”.
आणखी वाचा – अॅक्शन सीनदरम्यान सुप्रसिद्ध अभिनेत्रीचा झालेला गर्भपात, ओढवलेला वाईट काळ, खुलासा करत म्हणाली, “तीन महिने…”
पुढे,दिव्या म्हणाली, “सत्य सांगायचं झालं तर मी एखादा फोटो पोस्ट केला तर तो पाहून एकत्र घटस्फोट होत आहे किंवा काहीतरी आणखी चालू आहे अशी चर्चा रंगते. म्हणून लोक त्वरित गोष्टी बनवण्यास सुरुवात करतात. मला खरोखर असे वाटते की मला नजर लागत आहे. पण माझी मानसिकता काहीतरी वेगळी आहे. मला आश्चर्य वाटते की हे असे कसे दिसेल? हे कसे शक्य आहे? नाही, आम्ही ते करुन दाखवू”.
आणखी वाचा – ‘पारू’ मालिका बंद होणार?, नव्या मालिकांच्या वेळांना प्राधान्य दिल्याने प्रेक्षक संभ्रमात, नक्की काय होणार?
दिव्या यांनी गर्भधारणेच्या बातमीवर प्रतिक्रिया दिली आणि म्हणाली, “बघा कोणीतरी म्हणालं की, ‘तुम्ही गर्भवती आहात का?’. मी म्हणाले, ‘काय? जेव्हा मी माझे वजन वाढवले तेव्हा मी त्यांच्यासाठी गर्भवती झाली?’ मी त्या प्रश्नावर हसले होते. सत्य सांगायचं तर छोले भटुरे माझ्या पोटात होते, दुसरे काहीच नव्हते. गरोदर नाही ते छोले भटुरे आहेत”.
