Paaru Serial Update : सध्या अनेक नवीन मराठी मालिका प्रेक्षकांच्या भेटीस येत आहेत. अशातच ‘झी मराठी’ वाहिनीवर दोन नवीन मालिका लवकरच प्रसारित होणार आहेत. ‘वीण दोघांतली ही तुटेना’ आणि ‘तारिणी’ या दोन नव्या मालिका प्रेक्षकांच्या भेटीस येत आहेत. नुकतंच या मालिकांची तारीख आणि वेळ जाहीर करण्यात आली आहे. मालिकेचा प्रोमो पाहून प्रेक्षकांनी उत्सुकताही वाढली आहे. दोन्ही मालिकांच्या समोर आलेल्या प्रोमोवरुन मालिकेचा आशयघन कथानक अगदीच रंजक वाटत आहे. ११ ऑगस्टपासून संध्याकाळी ७:३० वाजता ‘वीण दोघांतली ही तुटेना’ ही मालिका प्रेक्षकांच्या भेटीला येणार आहे.
अभिनेत्री तेजश्री प्रधान आणि अभिनेता सुबोध भावे यांची मुख्य भूमिका ‘वीण दोघांतली ही तुटेना’ या मालिकेत पाहायला मिळणार आहे. या वेळेत ‘पारू’ ही मालिका प्रसारित होते. त्यामुळे पारु मालिका संपणार का? अशी चर्चा सध्या रंगली आहे. नेटकरी नव्या मालिकेच्या प्रोमोवर कमेंट करत पारु मालिका संपणार का? असा प्रश्न विचारत होते. परंतु पारु मालिका बंद होईल की, त्या मालिकेची वेळ बदलली जाईल याबाबत अजूनही कोणते अपडेट आलेले नाही. मात्र पारु मालिकेच्या जागी ही नवीन मालिका सुरु केल्याने चाहत्यांनी नाराजी व्यक्त केली आहे.
आणखी वाचा – अॅक्शन सीनदरम्यान सुप्रसिद्ध अभिनेत्रीचा झालेला गर्भपात, ओढवलेला वाईट काळ, खुलासा करत म्हणाली, “तीन महिने…”
आता तर ‘तारिणी’ ही मालिका सुद्धा ११ ऑगस्टपासून रात्री ९.३० वाजता प्रेक्षकांच्या भेटीला येणार आहे. ‘तारिणी’ या मालिकेत अभिनेत्री शिवानी सोनार ही मुख्य भूमिकेत झळकणार आहे. तसेच तिच्यासह या मालिकेत अनेक कलाकार झळकणार आहेत. आता या दोन नव्या मालिकांसाठी नक्की कोणत्या मालिका निरोप घेणार की, मालिकांच्या वेळा बदलणार हे पाहणं महत्त्वाचं ठरणार आहे.
‘पारू’ मालिकेतही सध्या खूप मोठा ट्विस्ट आलेला पाहायला मिळत आहे. मालिकेत आदित्य व पारू यांच्या नात्याविषयी मारुतीला समजले आहे. मात्र मारुतीच्या मनाविरुद्ध असलेलं हे नातं असून तो वेळोवेळी या नात्याला तोडण्याचा प्रयत्न करतोय. इतकंच नाहीतर दिशा मारुतीच्या डोक्यात काही ना काही भडकवताना दिसत आहे. तर इकडे आदित्य व पारूच्या नात्याला अहिल्यादेवी मान्यता देणार का?, हे पाहणंही उत्सुकतेचं ठरणार आहे.
