छोट्या पडद्यावरील ‘बिग बॉस १७’ हा लोकप्रिय शो संपून आता इतके दिवस उलटून गेले आहेत, तरीदेखील या शोची चाहत्यांमध्ये असलेली क्रेझ कमी झालेली नाही. ‘बिग बॉस १७’च्या विजेते पदावर मुनव्वर फारुकीने आपले नाव कोरले. ‘बिग बॉस’च्या घरात असताना प्रत्येक स्पर्धकाची चांगलीच चर्चा झाली असल्याचे पाहायला मिळाले. पण आता हा शो संपला असला तरी या शोमधील स्पर्धक कोणत्या ना कोणत्या कारणांवरुन चर्चेत आहेत. अंकिता लोखंडे ही या शोच्या विजेतेपदाची दावेदार होती. पण अंतिम टप्प्यावर तिचं या घरातील प्रवास संपल्यामुळे तिला या घरातून बाहेर पडावे लागले.
दरम्यान, मुनव्वरच्या विजयावर अंकिता लोखंडे नाराज असल्याच्या चर्चा असल्याच्या चर्चा गेले अनेक दिवस रंगत आहेत. यावर आता स्वत: अभिनेत्रीने भाष्य केले आहे. मी मुनव्वरच्या विजायावर नाराज नसल्याचे मत तिने व्यक्त केलं आहे. अंकिता लोखंडेने नुकतीच ‘ई-टाईम्स’ला एक मुलाखत दिली. या मुलाखतीत मुनव्वर फारुकी विजेता बनल्याबद्दल प्रतिक्रिया व्यक्त करताना तिने असे म्हटले की, “‘बिग बॉस १७’चे विजेतेपद मुनव्वरने पटकावल्यामुळे मी अजिबात नाराज नाही. मला हे स्पष्ट करायचे आहे. गेले ४ दिवस आम्ही सतत शूटिंग करत होतो. त्यामुळे माझी प्रकृती ठीक नव्हती. माझी अवस्था खूप वाईट होती आणि मला घरी जायचे होते. आदल्या दिवशी आम्ही पावसाचा सीक्वेन्सही शूट केला आणि ६ वाजता झोपलो. त्यानंतर पुन्हा ७ वाजता आम्हाला पुन्हा शूटसाठी कॉल आला”.
आणखी वाचा – मुग्धा वैशंपायनला पदव्युत्तर पदवी, हाती गोल्ड मेडल अन्…; नवऱ्याचा आनंद गगनात मावेना, म्हणाला, “बायको तुझा…”
यापुढे तिने असं म्हटलं की, “मी खूप दमली असल्यामुळे मुलाखती देणार नाही असं प्रॉडक्शन टीमला कळवलं. मी मुनव्वरच्या विजयाच्या निर्णयावर अजिबातच नाराज नव्हते. गेली इतकी वर्षे मी या इंडस्ट्रीत काम करत आहे, त्यामुळे इथली औपचारिकता पाळते. त्यामुळे मुनव्वरच्या विजयामुळे मी नाराज असल्याचे लोकांना वाटत असेल तर तसं अजिबात नाही. मुळात कोण जिंकेल आणि कोण हरेल या मानसिकतेने मी शोमध्ये आले होते. त्यामुळे मुनव्वरच्या विजयावर अजिबात नाराज झालेली नाही.”
दरम्यान, अंकिता लोखंडे पती विकी जैनबरोबर ‘बिग बॉस १७’ मध्ये आली होती. या शोमध्ये दोघांमध्ये खूप मतभेद झाले होते. पण अंकिताचे मुनव्वरबरोबरचे नाते खूप घट्ट होते. ती मुनव्वरला तिचा लहान भाऊ मानत होती. या शोमध्ये दोघेही नेहमीच एकमेकांच्या बाजूने उभे राहिले आहेत.