Shashank Ketkar daughter and son : कलाकार मंडळींच्या वैयक्तिक आयुष्याबाबत जाणून घेण्यास चाहतेमंडळी नेहमीच उत्सुक असतात. त्यांच्या कुटुंबात कोण कोण आहे, त्यांचा संसार कसा सुरु आहे, त्यांचे जोडीदार कोण आहेत, त्यांची मुलं कशी दिसतात ती काय करतात याबाबत जाणून घेणं चाहत्यांना नेहमीच उत्सुकतेचं वाटतं. तर बरीच अशी कलाकार मंडळी आहेत जी वैयक्तिक आणि व्यावसायिक आयुष्य वेगवेगळी ठेवण्याकडे अधिक भर देतात. त्यांना वैयक्तिक आयुष्य इतरांसह शेअर करणं योग्य वाटत नाही. पण योग्य वेळ आली की, ही मंडळी त्यांच्या चाहत्यांना वैयक्तिक आयुष्याबाबतचे अनुभवही सांगतात.
अशातच आता एका मराठमोळ्या अभिनेत्याने त्याच्या दोन्ही मुलांचा चेहरा रिव्हील केला आहे. हा अभिनेता म्हणजे शशांक केतकर. शशांक सोशल मीडियावर बऱ्यापैकी सक्रिय असतो. नेहमीच तो काही ना काही शेअर करत चाहत्यांच्या संपर्कात असतो. अभिनयाबरोबरच तो सोशल मीडियावरही तितकाच सक्रिय असून, आपल्या खासगी आयुष्यातील सुंदर क्षण चाहत्यांसोबत शेअर करताना दिसतो. अलीकडेच भाऊबीजेच्या दिवशी शशांकने आपल्या चाहत्यांना एक खास सरप्राईज दिलं आहे. त्याने आपल्या लेकीचा चेहरा पहिल्यांदाच सर्वांना दाखवला आहे.
आणखी वाचा – घरच्या लक्ष्मीचं औक्षण, मुलांचं अभ्यंगस्नान आणि…; रितेश देशमुखने जपली परंपरा, यंदा मुंबईत साजरी केली दिवाळी
शशांक जानेवारी महिन्यात पुन्हा एकदा बाबा झाला होता. त्याची लेक राधा आता नऊ महिन्यांची झाली असून, तिचे काही गोंडस फोटो शशांकने इन्स्टाग्रामवर शेअर केले आहेत. त्याने आपला मोठा मुलगा ऋग्वेद आणि छोटी लेकी राधा यांचे एकत्र फोटो पोस्ट करत कॅप्शनमध्ये लिहिलं आहे की, “आनंदाचे झाड दारी झुलते डहाळी… केतकर कुटुंबाकडून दीपावलीच्या लाख लाख शुभेच्छा” असं लिहीत भावना व्यक्त केल्या. या पोस्टनंतर सोशल मीडियावर शुभेच्छा आणि प्रेमाचा वर्षाव सुरु झाला. मराठी सेलिब्रिटीदेखील शशांकच्या या गोड पोस्टवर कमेंट्सचा वर्षाव करताना दिसले. अभिनेत्री तितिक्षा तावडे, अभिनेता अभिजित खांडकेकर आणि आशुतोष गोखले यांनी रेड हार्ट इमोजी पोस्ट करत शुभेच्छा दिल्या, तर शिवानी मुंढेकरने देखील “ किती गोड आहे!” असं म्हणत कमेंट केलं आहे.
आणखी वाचा – साऊथ इंडियन लूकला मराठमोळा टच; रेश्मा शिंदेने साजरी केली पहिली दिवाळी, नवऱ्याचं औक्षण केलं अन्…
शशांक केतकरच्या या पोस्टला चाहत्यांनीही प्रचंड प्रतिसाद दिला असून, काहींनी तर “राधा अगदी शशांकसारखी दिसते” असं म्हटलं आहे, तर काहींनी “आई प्रियांका ढवळेसारखीच दिसते” अशी कमेंट केली आहे. खरंच, शशांकच्या कुटुंबाचे हे गोंडस फोटो पाहून सर्वांच्या चेहऱ्यावर हास्य उमटलं आहे.
