Ram Charan second baby : ‘आरआरआर’ अभिनेता राम चरणने पुन्हा एकदा सर्वांना आनंदाची बातमी दिली आहे. त्यांच्या घरात पुन्हा एकदा चिमुकल्याचा आवाज गुंजणार आहे. त्याची पत्नी उपासना कामिनेनी कोनिडेला आई होणार आहे. तिच्या बेबी शॉवरचा व्हिडीओ सोशल मीडियावर शेअर करुन तिने चाहत्यांना ही खुशखबर दिली आहे. पण ताज्या रिपोर्ट्समध्ये दावा केला जात आहे की, राम आणि उपासना फक्त एकच नाही तर जुळ्या मुलांचे पालक होणार आहेत. त्यामुळे ते आई-बाबा होणार आहेत या चर्चेला उधाण आलं आहे.
राम चरण यांच्या टीमने याला दुजोरा दिला आहे. ‘हिंदुस्तान टाईम्स’मध्ये आलेल्या वृत्तानुसार, साऊथ स्टारच्या टीमने सांगितले की, “जुळ्या मुलांच्या स्वागतासह त्यांच्या कुटुंबात दोन नवीन सदस्यांचे स्वागत करण्यासाठी हे जोडपे खूप उत्सुक आहे”. उपासनाचा डोहाळ जेवणाचा (बेबी शॉवर) सोहळा हैदराबादमध्ये अगदी थाटामाटात साजरा करण्यात आला. ज्याची एक झलक तिने दिवाळीच्या उत्सवादरम्यान सोशल मीडियावर दाखवली.
आणखी वाचा – शशांक केतकरकडून दोन्ही मुलांचा चेहरा Reveal, दिसतात इतकी सुंदर की सगळेच पाहत बसले अन्…; फोटो व्हायरल
त्याने जुळ्या मुलांचा संकेत दिल्याचे चाहत्यांचे म्हणणे आहे. व्हिडीओच्या शेवटी दोन लहान पावलांचे ठसे आहेत. त्याने कॅप्शनमध्ये लिहिले आहे की, “ही दिवाळी आनंदाच्या दुप्पट, दुप्पट प्रेम आणि दुप्पट आशीर्वाद देणारी होती”. या सोहळ्यात राम आणि उपासना यांच्या कुटुंबाव्यतिरिक्त साऊथ फिल्म इंडस्ट्रीतील नयनतारा आणि तिचा पती विघ्नेश शिवन त्यांच्या मुलांसोबत दिसले. चिरंजीवीने नागार्जुन आणि त्याच्या कुटुंबासोबत पोजही दिली.
आणखी वाचा – साऊथ इंडियन लूकला मराठमोळा टच; रेश्मा शिंदेने साजरी केली पहिली दिवाळी, नवऱ्याचं औक्षण केलं अन्…
राम आणि उपासना यांचे २०१२ साली लग्न झाले. लग्नाच्या जवळपास ११ वर्षानंतर २०२३ मध्ये त्यांची मुलगी क्लाइन कारा जन्माला आली. त्यांनी अजून आपल्या मुलीचा चेहरा जगाला दाखवलेला नाही.
