हॉलिवूड गायक एड शीरन हा भारतात एका कार्यक्रमासाठी मंगळवारी मुंबईमध्ये दाखल झाला आहे. त्याने मुंबईमध्ये दाखल झाल्यानंतर दुसऱ्या दिवशी एका शाळेलाही भेट दिली. शाळेमध्ये जाऊन त्याने तेथील लहान मुलांबरोबर खूप मजा मस्ती केली आणि गाणीही गायली. त्याने हा व्हिडीओ सोशल मीडियावर शेअर केले असून ते मोठ्या प्रमाणावर व्हायरल होत आहेत. त्याच्यासाठी बॉलिवूड कलाकारांनी पार्टीचं आयोजन केलं होतं. यासाठी अनेक कलाकार उपस्थित राहिले होते. त्यावेळी अभिनेता शाहरुख खानचा मुलगा आर्यन खान उपस्थित राहिला होता. (aryan khan viral video)
एड शिरनसाठी गौरी खानच्या एका रेस्टॉरंटमध्ये पार्टीचे आयोजन करण्यात आले होते. अनेक कलाकार उपस्थित राहिले होते. यामध्ये आर्यन देखील उपस्थित होता. त्याचा एक व्हिडीओ व्हायरल होत आहे. या व्हिडीओमध्ये आर्यन एकदम हटके लूकमध्ये दिसत आहे. त्याने काळ्या रंगाचा टी-शर्ट, डेनिम जॅकेट व व जीन्स घातली आहे. त्याचे केस विस्कटलेलेही दिसत आहेत. त्याचा हा व्हिडीओ समोर आल्यानंतर अनेक नेटकऱ्यांनी अनेक प्रतिक्रिया दिल्या आहेत.
या व्हायरल व्हिडीओवर एका नेटकाऱ्याने लिहिले आहे की, “तो इतका गंभीर का असतो?”, दुसरा नेटकरी लिहितो की, “हा नेहमी नशेमध्ये का असतो?”, तसेच अजून एक नेटकरी लिहितो की, “हा नेहमीच नशेमध्ये असतो”. पण काही नेटकऱ्यांनी मात्र त्याला साथ देताना दिसत आहेत. याआधीही आर्यन बऱ्याच वेळा ट्रोल झाला आहे.
या पार्टीमध्ये शाहरुख खान, हृतिक रोशन, सबा आझाद, मलायका आरोरा, राजकुमार राव, पत्रलेखा, हुमा कुरेशी, फरहान अख्तर, अनुषा दांडेकर, अर्शद वारसी त्याची पत्नी मारिया, माधुरी दीक्षित, डॉ. श्रीराम नेने हे कलाकार उपस्थित होते. या पार्टीचं सूत्रसंचालन कॉमिडी किंग कपिल शर्माने केले होते.